نسيت نفسي

[إكرام مجاور]

نسيت نفسي

حاولت ارجع واكون نفسي
ماهوش نافع
حاولت اطور السيرة
واجيب اهداف واحققها
لقيت عندي مافيش دافع
بقيت راجع تمام للخلف
اجيب حقي وبحرقه حلف
وجيت على خط احلامي
وحطيت بلف
مادام بالماضي متمسك
ومتشعبط ومترستك
لكن الزمه مش استك
لكني بموت على الماضي
وبُكره ليا مش راضي
ومش فاضي
يجيني ف حلم متسرسب
ولو حتى على الفاضي
منيش بركع..
لغير ربي ما اكون راكع
كتير قدمت فاتقدمت
بس الوش مش قدام
كتير بابني...
بس المبني مش بيبان
لأني بابني أحلامي على أوهام
مافيش احلام
مافيش بكره مافيش بعده
وواقف دوم محلك سر
ومن بكره تملي بفرّ
وعايش عيشة مترفّه
لكن بصراحه عيشه تعرّ
بعيش الساعه بالساعه
بعيش أهبل
لكنها عيشه لسّاعه
نسيت يكونلي مستقبل
نسيت اقبل
وأعيش نفسي
ولكن برضه مش نافع

[محمد محمود محمد شعبان]

فكرتني بأغنية ( مكي ) متحاولش تبقا حد تاني غير نفسك .. دور بنفسك جوا نفسك .. أكيد هتلاقي مزتك )
جميلة يا شاعر


تحيتي

حمادة الشاعر

[فاتن دراوشة]

الحمد لله أنّك رغم كلّ المحاولات لا تزال تعرف نفسك جيّدا

أمتعتنا معك في رحلة بحثك عن ذاتك

مودّتي