صراط مش مستقيم

[احمـد عبد الفتاح الشهيبى]

فتش دروبك
هتلاقى دربك للرجوع
او ع الأقل
كل اللى فاتوا من هناك
سابوا فى خطاهم
الف بصمة ترشدك وتعلمك معنى الطموح
والدمع بوح
والدمع بوح الورد
والورد يطرب من هديل الرعد
والعشق كائن فى صدور الناس
والعشق مش لازم يكون فى القاموس ابيض
وابيض ! يا ضهر السما العريان
وادى الرصيف واقف هنا بينهج
م الخطا والزحمة والدروايش
وادى البخور فى ايدى بيصلى
صلى يا ولدى ع الرصيف صلى
هما اللى ماتوا غابوا يا خلى
خلى فـ قلبك حبة للى بقيك
مين اللى فاضل م الصفوف عشرة !!
اصبح امام وحده فى الملكوت
خانت دموعك دى العيون عِشرة
غنوا النشيد بس طعمه سكوت
والهم ناحت بيته فى البشرة
والبُشرة كانت تمتمات للموت
فلأما تبقى فليسوف عصرك
ولاما تبقى حنطة جوه تابوت
فردوا الصراط ع الأرض يا خلى
والأرض فيها الانحراف فطرة
فأزاى يكون فى العبور جنة ؟!!
وازاى يكون فى السقوط نقمة !!!
كان الصراطواضح كما القمره
فمفيش مجازفة يا بنى فى عبوره
ولا ميت نيشان يسكنوا صدرك
ولا قصر عالى اتى وبحوره
كان اعتيادى العبور جريا
كان الطبيعى فرحك الزائف
كات الجموع واقفه وبتصقف
علشان مشيت وانته مش خايف
بس اللى مدهش عاود الكره
اوعـا تسلم للقيود مره
افشـل وخاوى ده الانين والجرح
بس بارادة ع الدوام حره

بتاريخ

10/3/2013
بقلم /

أحمـد عبد الفتاح الشهيبى

[فاتن دراوشة]

سيأتي الفرج من بعد أن طغت الهموم على قلوب البشر

وستكون الأيّام القادمة أجمل إن شاء الله

دام جمال حرفك أخي

[آمال المصري]

نأمل في قادم أجمل تُخفف فيه وطأة الهموم ويُعدل فيه بعض اعوجاج أصاب الطريق
رائع نبضك بني
بوركت واليراع
ومرحبا بك في واحتك
تحاياي

[محسن البدراوى]

من اجمل ما قراءت اليوم حقاً
نص شعرى زاخر بالمعانى والامانى والألم
صوره وكانها برواز على جبين الزمن
تتغنى بالكلمات وتنهل من بحور الشعر سخات
نتمنى من الله ان يكون القادم اجمل
وان يحفظ الله شباب مصر
القصيدة للتثبيت ابداعاً ومواكبة
تحيتى
وبالتوفيق

[محمد كمال الدين]

سريالة عميقة

حتما سأعود للغوص

تحياتي أيها الشاعر