حلم ، بيضيع من إيديا

[فريد عبدالعزيز]

قلت لك انا م البداية
الطريق مش كله جنة
عندك استعداد نكمل
و اللا نمشي ، نروح لحالنا
يومها قلتي : مش حسيبك
دا انت اغلى من عنيا
بعدها بكام يوم لقيتك
حلم بيضيع من ايديا
*****
الحياة كات ماشية عادي
و كل يوم نرسم ف حلم
فجاءة ظهرت الف كارثة
زي ما نكون جوه فيلم
و ابتديتي سنة سنة
تبعدي ف عز اشتياقي
بعد ما حنيت لقربك
و انتهى العمر اللي باقي
بعد ما صدقت إنك
يوم حتبقي ف حياتي علم
*****
إيه اللي جد عشان تقولي
ناس كتير دخلوا ف حياتك؟
و ان حالك مش عاجبهم
و السبب إني ف حياتك
كل لية عذاب و حيرة
راحت الاحلام بعيد
ماتت اللهفة الكبيرة
و الكلام مبقاش يفيد
إقتنعت بإني حمل
و لازم اخرج من حياتك

[فاتن دراوشة]

لا تبكِ على ما تساقط من ورقك الجافّ أخي

فالفروع هي الأساس وهي من ستعيد الحياة من جديد

دام بهاء حرفك أخي

[آمال المصري]

أسلمت مسامعها لمن أفسد عليها وعليك
لذا إن كان حلم وضاع فكثيرة هي الأحلام وأضغاثها
شجية بحرف رائع
بوركت واليراع شاعرنا الفاضل
ومرحبا بك في واحتك
تحاياي