طراد باللّهجة المحكيّة

[فاتن دراوشة]

السّلام عليكم ورحمة الله وبركاته

أخوتي الأحبّة ما رأيكم لو نخصّص هذه الصّفحة للطّراد الشّعريّ باللّهجة المحكيّة؟

كلّ ما على المشارك التقيّد به هو أن يبدأ أبياته بالحرف الذي أنهى به من سبقه

وأن تكون المشاركة بيتين أو أكثر وموزونة .

دمتم ينابيع حرف يرتوي منها الإبداع.

مودّتي

[فاتن دراوشة]

مَصْرِنا يَلّي رَواكي

دَمِّ أهْلِكْ والحَبايِبْ

مِنْ صُراخِكْ هَبِّ ليلي

حانِ(ي) ظَهرو وْراسُ(و) شايِبْ

[محمد كمال الدين]

بسألك يا مصر حتى عن ملامحي
أصل حاسس لوني فيك(ي) زي لونك فيّ(ا) ممحي
بس عارفه برضه عاشقك
حتى مهما النبض فارق ..حتى مهما العمر زود فيك(ي) جرحي

-----
موضوع جميل مبدعتنا الغالية أستاذة فاتن

يثبت تقديرا للفكرة

[محسن البدراوى]

يا بلادى كونى شمسي
وكونى ضلى وكونى همسى
يابلادى انتى همى
انتى بكرا وانتى همسى
عمرى ما اتهاون ف حبك
ف الميدان قاعد
مش (ه) امشى


نبارك افتتاح الصفحه
ودعوه للجميع للمشاركه
تحيتى قديرتنا
وشكرا لاخى الفاضل للتثبيت

[فاتن دراوشة]

شَبِّ جُوّا القَهْرِ غيطِكْ

وانغَمَس بالدمِّ نيلِكْ

إمتَ(ى) يا مَصْرِ العُروبَهْ

يِنْهِدِمْ خوفي وَجيلِكْ

[حسين العقدي]

موضوع جميل وشيّق وسأكون بالقرب كي أستمتع بما سينثره أساتذتنا شعراء العامية ..وقد أتجرأ واشارك معكم كهاوٍ ^_^

لك جزيل الشكر أستاذة فاتن دائمًا ما تأتين بالجديد والممتع والمفيد ..ربي يقوِّيك

خالص الود وطاقات ورد:0014:

[فاتن دراوشة]

موضوع جميل وشيّق وسأكون بالقرب كي أستمتع بما سينثره أساتذتنا شعراء العامية ..وقد أتجرأ واشارك معكم كهاوٍ ^_^

لك جزيل الشكر أستاذة فاتن دائمًا ما تأتين بالجديد والممتع والمفيد ..ربي يقوِّيك

خالص الود وطاقات ورد:0014:

يتشرّف الموضوع بمرورك ومتابعتك مبدعنا

سنكون بانتظارك دائما معنا

مودّتي

[محمد كمال الدين]

كل ما الأيام تعدي
كل ما الأحلام تموت
هما قالوا , وهما عادوا
واحنا جثة في التابوت

[فاتن دراوشة]

تَمْتَمِتْ بالهَمِّ روحي

والصّدا ردّد بِنوحي

وَهْ يَقَلْبي إلْضَمِّ شامو

إمتَ(ا) تِشْفى بَكْ جُروحي

[محمد نعمان الحكيمي]

ويش تقولوا يا عالم
دن درن دندن دندن !!

[فاتن دراوشة]

ويش تقولوا يا عالم
دن درن دندن دندن !!

شكرًا لمرورك ومتابعتك أخي الحكيمي

مودّتي

[محسن البدراوى]

ياللى فاكرين انى ميت
ياللى فاكرينى فاشوش
عمرروحى يوم ما ضلت
والشهاده مش كابوس

[فاتن دراوشة]

سيبْ عَدُوَّك في ضَلالو

يِنْتِحِرْ بينِ الوُحوشْ

وانتِفِضْ يا شَعْبِ واكْسِرْ

كُلِّ أصْنامِ العُروشْ

[محسن البدراوى]

شئ بديهى انى ثاير
لما كل الدم ينزف
والجثث تصبح ألوف
يطلع البركه وسيادته
يقول طبيعى...
اصله خروف!؟؟

[فاتن دراوشة]

فيق يَشَعْبي الحُرِّ وانْزِلْ للمِدانْ

دا الخُنوعْ خَلّا غِلانِ اللّيلْ تِبانْ

قومْ بَلاشْ تِفْضَلْ تِطاطي وْيِرْكَبوكْ

دَللّي يُسْكُتْ عالظُّلُمْ أكْبَرْ جَبانْ

[محمد عبد المجيد الصاوي]

نروي الأرض الطبية بعرق ودم ليها يكون رخيص
نعرف إزاي نوقف كل خاين وخسيس
وما نقبل في يوم غير شمس تعشق فجر السويس
ولا يهمنا إعلام عكاشة ولا أديب ولميس

[فاتن دراوشة]

سينْ سُؤالْ لِلّي ظَلَمْ للشّعْبِ يومْ

إنْتَ فاكِرْ إِنِّ عِزَّكْ رَحْ يِدومْ؟

دَ التّ(ا)ريخْ يا ما طَوا ناسْ قَبْلِ مِنَّكْ

رَحْ بِتِوْقَعْ مِالسَّما مَهْما تِحومْ

[محسن البدراوى]

من بكايا اتبل خدى من دعايا
مصر امى ولسه ضامة كتير غنايا
هرجع اشعر هرجع اكتب من شذايا
مصر دايماَ ساكنه فينا وف الحنايا

[فاتن دراوشة]

يا خَوِيِّ الحَرْفِ دَمْعَكْ بِيْنَديني

خَلَّ دَمْعي يْفِرِّ مِنْ قَلْبي وِعيني

إمْتَ يا مَصْرِ الحَبيبَة يِصْفَ(ا) يومِكْ

والفَرَحْ مِنْ يِبْسِمِ بْوِشِّك يِجيني

[محمد كمال الدين]

يا سنين الصبر شيلي من أنيني
يا دموع الفرح هلي واملي عيني
هدهدي الليل اللـ ساكن عمرنا
واشرقي ف أحلامنا غنوة بشمس ديني

[فاتن دراوشة]

نِبيعِ الشّمسِ بالكيلو وبالقُرطاس

ونرهَنْ تُرْبِنا الغالي لكُلّ النّاس

وِنِجْعَلْ خَدّنا العالي مَراحْ وِمَداسْ

يَشَعبي الحُرِّ إمتَ يْعودَكِ الإحساس؟؟؟

[هنــا محمد]

يقولوا الفرح مش محتاج غير إحساس
وأنا إحساسي ناسي الفرح بالإحساس
وأحاول أهدي ما يعدي
يدوس القلب فينداس !!

هنــــا

[محمد كمال الدين]

يقولوا الفرح مش محتاج ..غير إحساس
وأنا إحساسي ناسي الفرح بالإحساس
وأحاول أهدي ما يعدي
يدوس القلب فينداس !!

هنــــا


أتمنى منك إجتهادا أكثر لضبط الوزن
ما هو بالأحمر أخل بالوزن

كما أن من شروط الطراد أن تبدئي بالحرف الذي انتهى به من هو قبلك
-----
في انتظارك هنا دائما
تحياتي

[محمد كمال الدين]

سنين العمر بحملها على كفي
وبرسمها بدمع العين ومن نزفي
وأكيلها ..
ألاقي البيعة خسرانة
و مفروضة ..على عزفي

[فاتن دراوشة]

فِداكِ الرّوحِ يَبْلادي

يَحِضْنِ الحُبِّ لِوْلادي

أنا مَهْما أجوع واعْرى

شُموخِكْ مَيِّتي وْزادي

[محسن البدراوى]

دانا المصرى اللى عمره مخاف
لا موت ولا قهر
ونقش بأيدى حرية كما الحنة
ودمى نهر
هخاف من ايه
فى حد يخاف من الجنة
وخلد وروض

[محمد كمال الدين]

ضمير العالم العربي , ضمير ميت في قبر جبان
ومتكفن بقسوة وظلم ,ومتشيع على الأحزان
منيش فاهم دا مين قتله
ولا عارف سبوه إزاي
ويلى يا دنيا خبينا وخبي خبتنا في الألحان !

[فاتن دراوشة]

وِليهْ نِحْزَن وِليهْ نِبكي

نعيشِ نْموتْ مَهيشْ فارقَةْ

مَدامِ الحِلْمِ جُوّانا

صَبوهِ بْصَدْرُ(ه) ميتْ طَلْقَةْ

[محسن البدراوى]

تعالى نقول مهيش فارقه
مادام اخرتها هى الموت
ياما اعيش كريم غالى
يا أما اموت كدا ف سكوت

[محسن البدراوى]

تدوم الدنيا او تفنى
مهيش فارقه
تضيعنا بتفاهتنا
مهيش فارقة
مادام الكل باع قبلى
وهلل لما باع بالزور
اكون انا مين ف وسط ألوف
بتتباهى بقتل ضمير
بتدى البيعة للدبور
لسفك الدم ...للتغيير
صبح سمى وقال الله
نزل بالسيف وقال تبرير
وكلوا خلاص بشرع الله
وبيعة زور دى ف التحرير


اعتذر عن الاطالة وعدم الالتزام باربع ابيات
تقبلوا مرورى وفائق احترامى

[فاتن دراوشة]

تِناديني بِعِلْوِ الصّوتْ

وأنَا مِنْ حُرْقِتي ساكْتَةْ

يِطارِد صَرْخِتي هالموتْ

وِناسِ وْجوهها باهْتَةْ

[محمد كمال الدين]

تملي الحق متهاجم
وصوته ضعيف لكن أقوي
ورغم الليل عليه هاجم
لكن بإيماني هستقوى

[محسن البدراوى]

ومن امتى شعاع النور
ف وسط الليل بيتخبى
اكيد اعمى اللى شافها ظلام
برغم عيونه اكيد اعمى

[فاتن دراوشة]

مَنيش ناخِخْ لِسوطِ فْيَدّك بْيِضْرَبْ

مَنيشْ راكِعْ لِغولِ بْدَمِّنا بْيِشْرَبْ

أنا مَهْما قِسي ليلَكْ عَلى يومي

هَسيبِ السّجْنِ وِهْمومو بِيومْ وَهْرَبْ

[محمد كمال الدين]

بخاف أهرب أبات مهزوم
وواجه ضعفي بالمقسوم
و صبر يومي بالأحلام
ألاقي الحلم نصله هموم

[هنــا محمد]

مانيش محتاجة للأحلام
في دنيا كلها أوهام
في عالم كل يومه كابوس
وعايش وسط كوم ألوان

[فاتن دراوشة]

نِشيلِ مْحَبِّةِ الأوْطانْ

بِجِفْنِ العينِ والنِنِّي

وِنُحْرُسْها مِنِ العُدْوانْ

ونِرْفَعْ مَجْدَها وْنِبْني

[هنــا محمد]

ياه
وغصب عني دموعي تنزل
لما تلاقيه
دموع بتجرح فيا تقتل
من شوقي ليه

[محسن البدراوى]

هقول ايه تانى بس ازاى
وانا المسجون ورا حلمى
هعيد كلمة ورا كلمة
وافض الصفحه بتمنى
يارب خلاص بقيت متداس
وليه نصرك بعيد عنى

[فاتن دراوشة]

نِعيشْ نْطارِدْ الفَرْحَةْ

ووِشِّ مْغَطّى بالطَرْحَةْ

وِيومِ الفَرْحِ يا إمّي

ينزّ الدَمِّ مِنْ جَرْحَه

يِرَوّي بَدْلِتي البيضا

ويِمْلا قَلْبي بالتّرْحَةْ

[آبو عمرو سليمان]

نفسي ألقى فيكِ نفسي
يبتسم ليلى وهمسي
وانسى دمعة وانسى كلمة
صحصحت فِ القلب يأسي

[محمد كمال الدين]

" ولا كان الحب عمره باختيارنا .. دا كان قدرنا "
بيجينا قبل ما نمشي لِييه
" سلمنا قلوبنا دوبنا وبعيونا .. أنا وانتي شوفنا "
الحب نبضة فينا ليه !

[فاتن دراوشة]

هَمّك مِبَعْثَرْ يا بَلَدْ

مالُهْ لا حدِّ وْلا عَدَدْ

إن جينا بالفاسْ نَحْيِتُهْ

جَذْرُهْ بعَدُوِّكْ يِتْسَنَدْ

[الطنطاوي الحسيني]

موضوع رائع ورائد في العامية
دمت بإبداعاتك اختنا الكريمة فاتن دراوشة
ان شاء الله نشارككم

[الطنطاوي الحسيني]

درويش عشانك باقلب الصفحات
و اعيش مع الذكرى وفي الاهات
يا مصر مالك تايهة في السكة
والسكة باينة والطريق خطوات
درويش عشانك نمت في العتبات
و الطل نازل فجري قبل ما بات
لكني صابر يا اصيلة عليه
دفا شمسي جيّ يوماتي يقضي عليه
درويش وعارف صاحي يا أمي
وف كفي نورك و الدليل دمي
راح ارجع الحق اللي جم خطفوه
وهامسح دموعك مصرنا بكمي

[فاتن دراوشة]

موضوع رائع ورائد في العامية
دمت بإبداعاتك اختنا الكريمة فاتن دراوشة
ان شاء الله نشارككم

أنرت المكان بمرورك ومشاركتك أخي وننتظرك معنا دائمًا

مودّتي

[فاتن دراوشة]

مكسور حظّي يا بَشَرْ

مِنْ حَسْرِتي شَفِّ القَمَرْ

كاسات من مرّ العُمُرْ

وِنْبيذ منْ دنّ العذاب

[هنــا محمد]

بحلم بسماوردي!
ليلها دهبي على فضي
عليها ضي أمانينا
بيندهلك وبتهدي!

هنــا

[الطنطاوي الحسيني]

شكرا اختي الاديبة فاتن دراوشة للترحيب الطيب
وان شاء الله نحاول الاستمرارية


ياليل الحزن يا مطول فارقنا من هنا وارحل
الحزن عشش حدانا بظلم الظالم الاول
يتشيل معاشك وتبعد يا إما إحنا هنعزل
يارب هات نصر حقي فمصر أمنا وعجل
نزلنا بيك الهموم وادي الجمال صفين
يارب لبي الدعا من عسرنا وافصِل

[هنــا محمد]

لو يطول الليل هنلقالو نهايه
مش بقلب عليل هتخلص الحكايه
مصريالي إنكتبتي كلك بـ هوايه
حلمي كله انقتل ولسه جوايـــه

هنــا

[محسن البدراوى]

يا طلت النسمه اللى جاية
تصحى فيا شوق ليالى
يا نجمة لامعة ف السماء
بتلالى دايما ف العلالى
يا بكرا انتى اللى اترسم
ملقيش ورق فَ اخد خيالى
يا بحر موجته تهزنى
والدفة رايحة تشدنى
لابعد مكان
ما خطر ف بالى
انتى الاميرة
ف غربة القلب اللى عاد
ملكوت بيندهلك تعالى
بسهر ليالى ..
شارد بحالى ..
مستنى منك انتى بس
تشاورى وتقولى يا غالى

[محمد كمال الدين]

يا شوقي اتلم متبعنيش لناس باعت حروف اسمك
كفاية الجرح نزفه ملوش دوا يمنع دموع نزفك
خلاص القصة مـ اتفضت
وراح اللـي حرق قلبك
ولو عندك أمل يرجع
متتعشمش ف الجنة
وسيب الوهم للموهوم
وشوف الدنيا واتهنى

[محسن البدراوى]

ناويت اصبر واقول عادى
مادام الحلم مش قادر يفارقنى
وهستنى معاد تانى
واكيد فيه يوم يطمنى

[الطنطاوي الحسيني]

يا طلت النسمه اللى جاية
تصحى فيا شوق ليالى
يا نجمة لامعة ف السماء
بتلالى دايما ف العلالى
يا بكرا انتى اللى اترسم
ملقيش ورق فَ اخد خيالى
يا بحر موجته تهزنى
والدفة رايحة تشدنى
لابعد مكان
ما خطر ف بالى
انتى الاميرة
ف غربة القلب اللى عاد
ملكوت بيندهلك تعالى
بسهر ليالى ..
شارد بحالى ..
مستنى منك انتى بس
تشاورى وتقولى يا غالى
اخي الحبيب محسن هذه اغنية رائعة ما شاء الله
حس و ديباجة وخاتمة
ياريت نسمعها مغناة
دمت بروعتك

[الطنطاوي الحسيني]

يابني بزمانا الله يعينك شد حيلك في الطريق
وتشيل حمولتك ويا اخوانك و كل حر زميل صديق
حملك امانة أنّت الجبل اللي تحته قايلة آأه
تفضل معاه انت في نهايته يا بطل رابح معاه
متعدش الخطوات لأنك عارف ان الحق فيها
وطريقك الضلمة دا معدود خطوته والنهاية سابقة ليها
لا و لا يهمك انت واللي ماشيين كنت في نهايته كتير
المهم انك تكمل وسلم الراية لجيل حتى لو كان جيل قليل
لا ماتت الفكرة و لا ماتت الابطال هتحييها وهتجيب مستحيل
سلم شعايل قصتك الخير حدانا و الامل في الله جميل

[حسام السبع]

يا بهية
يا سنابل قمح دبلت
يا دموع ع الخد نزلت
كنت متلهف لشمسك
لما تطلع يحلى رسمك
بس ياخسارة جراحك
لوّن الغيطان بدّمك

يا بهية
يا كرامه
وشّ يسحر نور وقامه
بدعي لعنيك السلامة
من إدين باعت وخانت

من وريدك نبضنا
من غناك شدونا
انت دايما أمنا
كنت شايلة همنا
عار علينا كلنا
اننا ما نشيله همك

[فاتن دراوشة]

أخوتي من المفروض أنّ الموضوع هو للطّراد بحيث يبدأ المشارك بىخر حرف أنهى به سابقه

لكنّي أرى المشاركات خرجت عن هذه القواعد ألا توافقونني الرّأي؟

محبّتي

[حسام السبع]

الخت الشاعرة فاتن دراوشة انا كتبت على اخر بيت للشاعر
مجسن البدراوي

ناويت اصبر واقول عادى
مادام الحلم مش قادر يفارقنى
وهستنى معاد تانى
واكيد فيه يوم يطمنى
-----------------------------------
ولم تظهر عندي قصيدة الشاعر الطنطاوي
لا اعرف لماذا

[فاتن دراوشة]

يبدو أنّه ضعف في النتّ أخي

فلنكمل على بركة الله

[فاتن دراوشة]

كُنْتِ بَتْحَمّلْ عَشانَكْ

همّ أيّامي وِتَرحي

بسِّ طَبْعَكْ بَرْضُه خايِنْ

رشّ مِلْحَكْ جُوّ(ا) جَرْحي