ايه شعورك

[محسن البدراوى]

اغسل اغسل افارولك
قولى يلا ايه شعورك
بعد ما الدم الحرام
زين وجاهتك
وارتوى من نار غرورك
ايه شعورك
بعد ما المدفع خرص صوت الادان
بعد ما ما روت الدماء ارض الميدان
شئ جبان
ان لسه فيك ابوّه وفيك حنان
بعد ما دم الرضيع
بقى انتصار ليك يا وضيع... بقى مهرجان

خد كمان لينا صوره
واحكى لينا ع الامان
بس كادرك لسه جايب
تحت رجلك جثة محروقة بتلعن
ف الزمان


اقتل اقتل خد بتارك
بس بعد متِطْفى نارك
قولى يلا ايه شعورك
*******
قولى يلا ايه شعورك
بعد ما تروح لبيتك
بعد ما تشوف ناس كئيبه ف الشوارع
بعد ما تشوف الجنايز جنب حيطك
وف الجوامع
بعد ما تشوف ناس غريبه تعزى فيك
بعد موتك موت ضميرك
بعد ما فوضت موتى بيد غيرك
ايه شعورك
دمى لونه مش راضيك

[هنــا محمد]

صوت الآذان هو إسلامنــا
وإسلامنا ليس إخوان
إسلامنــا نحن جميعاً
كلمات ثائره قويه جميله
موسيقاها طاغيه
دام الحرف الرقراق شاعرنــأ
ود وتقـــدير

[محمد كمال الدين]

أخي الشاعر محسن كلمات حملت من الحزن ما يدمي قلب كل مصري حر

و سؤال وجيه لكن هل يجدي الضرب في الميت ؟

خالص تحياتي وتقديري

[آبو عمرو سليمان]

فيه ناس تحس بالفرح ولاتتكسفشي
فيه يقولوا احنا نعيش والباقي مايعيششي
عند ربك حكم عادل ولا يظلمشي
ناس تعيش جوا النعيم
والباقي جوا النار يتعذب ولا يموتشي

شكراً أ/محسن

[فاتن دراوشة]

ليت شعب مصر يصحو لواقعه ويحاول العودة إلى ما كان عليه شعبًا واحدًا وقلبًا واحدًا

يرفض سيطرة كلّ حزب وصاحب مصلحة ويهتمّ بمصلحة مصر لجميع مواطنيها

حرف يحمل هموم شعب

بوركت أخي

مودّتي

[آمال المصري]

سؤال مشروع يحتاج لدواوين من الإجابات التي لم ولن تبرر وتبيح القتل واستباحة الدماء البريئة
وهل يوجد بعدها شعور لنسأله عنه ؟ أعتقد ميت الضمير منزوعة مشاعره
بوركت شاعرنا الرائع