وحشتيني

[د.جمال مرسي]

وحشتيني

شعر د. جمال مرسي

وحشتيني..
وبُعدي عن عنيك السودْ..
على عيني .
وحشتيني ..
وشوقي كل يوم بيزيدْ ..
لأحلى خدودْ..
تزينها نجومْ وورودْ..
وصوتكْ لو يصحيني.

وحشتيني.
وحشني الهمس في همسكْ .
ونبض الحب في حِسِّكْ .
وغيرتي لو نسيم الصبحْ ...
يا عمري...
في يوم مسِّكْ.
أنا بكره اللي جاي ليكِ
أنا يومكْ .
أنا أَمسكْ .
وبعدي عن دفا قلبك بيكويني

وحشتيني
بجد بقول وحشتيني
وإيش يرضيك يرضيني .
وتفديكِ عيون القلبْ ..
تفديكِ شراييني
وعين ما شافتشْ غير حسنكْ .
بتشهد لكْ ..
وكل الكون بيشهد لكْ ...
بإنكْ شمس في جبيني .

وحشتيني
ولما في يوم أعود ليكِ
وأحط اديا في إديكِ
وابدأ خطوتي بيكِ ..
وأضمك ضمة المشتاقْ ..
تضميني.
وترويني .
ومين غيرك هيرويني
ومين غيرك هيسقيني
وأنا العطشان و طال بعدي
و قلبك أغلى شيء عندي
يا ست الحسن يا بلدي

و دمتم بخير

[إسلام شمس الدين]

يا ام الحضن يضم ؛ يلم كل الحبايب
اللي شّرق ، واللي غّرب
اللي بعّد ، واللي قّرب
اللي حاضر واللي غايب
افتحي دراعك يا أمي
طبطبي يا مصر ضمي
افرحي ، نسيني همي
لو أجيلك ؛ اشتكيلك ؛
أبكي دمعي ف قلب نيلك
أصرخ ، أقولك ،
ف كل حبة من ترابك قلبي دايب
يا ام الحضن يضم ؛ يلم كل الحبايب


شاعرنا الرقيق جمال مرسي
لا يمكنني مجاراتك لا فصحى و لا عامية
ولكنها خربشات سطرتها منذ فترة ، أثارها في صدري بديع حروفك ومشاعرك هنا

وانت كمان وحشتها جداً أيها الابن البار
زي ما بيوحشها كل ولادها الطيبين

دمت عاشقاً متيماً لمعشوقتنا الجميلة
ودمت ابناً باراً لأمنا الحنون
ودمت لنا شاعراً رقيقاً يصحبنا - مع كل حرف من حروفه - في رحلة إلى جزر السحر والجمال والرقة والعذوبة

لك تحياتي ومحبتي وعظيم تقديري وإعجابي :0014::0014:
إسلام شمس الدين

[محمد محمد سعيد]

السلام عليكم ورحمة الله وبركاته

استاذى الغالى د. جمال


انت كمان وحشتنا كتير

وكل شبر ف مصر بيسلم عليك و كل القلوب الطيبه من ابناء مصر بتحبك :010:


لان قلبك عمره ما عرف غير الحب


هكذا عرفناك واحببناك اديبا واستاذا وقبل كل ذالك انسانا رائعا فى كل شىء


دمت دائما ايها الغالى


وحفظك الله من كل سوء


محمد

[مريم العموري]

جميلة بحق
سلم الله يديك أيها الشاعر المبدع
اسمح لي أتجرأ مرة أخرى وأخط بعضا مما ألهمتني به هذه الرائعة

على شطِّ الفؤاد بتعدّي موجة شوق
بتسقي ورده وحكايه
حِكايه اف ألف ليله ويوم
كتبها الحب جوّايه
فرَح يا وعدِ ده..
ولاّ حِلِم.. ولاّ صدى ماضي
وضحكاية
واغمَّض عيني وافرد للهوا اجناحي
واطير فوق القمر
عصفور ايدوَّر في السّما عن سِربِ أحبابو
ولِفِّ الكون.. يغريني أمل بكره
يقللي إوعه تتعب
ده اللي غابوا لسّة فاكرينك هِناك
مسافة قلب وتوصل..
ويفضل صوتو جوّايه
يداري الورده
يِكتِب في الحكاية كل يوم صفحة
ومَـلّي عيني مِ الفرحة
أصلو مش فاضل كتير
مسافة قلب ولازم بعدها هوصل
ومش هتعب
ومش هتعب

[محمد الدسوقي]

ومين غيرك هيرويني
ومين غيرك هيسقيني
وأنا العطشان و طال بعدي


الله على العشق الجميل

تقبل احترامي

[ينابيع السبيعي]

وترويني .
ومين غيرك هيرويني
ومين غيرك هيسقيني
وأنا العطشان و طال بعدي
و قلبك أغلى شيء عندي
يا ست الحسن يا بلدي

عشق ليس مثله عشق
الوطن نعم هو العشق الحقيقي
ولتكن لي هذه المداخلة راجية ان لا يكون اقتحامي قد ضايق متصفحك
ولكن هو الحب الذي حركته يا دكتر


تعال وضمني حدّك
تعال وروني حبك
تعال وخذني بين ايديك
تعال احويني بالفرحه
ترى عشقك صعب شرحه
واشوف نفسي انا حواليك
بلادي عشق ماله حدود
ونعمة ربي المعبود
واحط إيدي معاها ايديك
حماك الله يا بلادي
من ارهابي ومن معادي
وحنّا السور حواليك

نصك الرائع حرك مشاعري لبلدي
دمت جميلا كما انت
اختك

ينابيع السبيعي

[د.جمال مرسي]

الأخوة الأحباء
إسلام شمس الدين
محمد سعيد
محمد الدسوقي
شكرا جزيلا لكم أيها الكرام
تقبلوا الود جميعا و دمتم بخير
د. جمال

[د.جمال مرسي]

جميلة بحق
سلم الله يديك أيها الشاعر المبدع
اسمح لي أتجرأ مرة أخرى وأخط بعضا مما ألهمتني به هذه الرائعة

على شطِّ الفؤاد بتعدّي موجة شوق
بتسقي ورده وحكايه
حِكايه اف ألف ليله ويوم
كتبها الحب جوّايه
فرَح يا وعدِ ده..
ولاّ حِلِم.. ولاّ صدى ماضي
وضحكاية
واغمَّض عيني وافرد للهوا اجناحي
واطير فوق القمر
عصفور ايدوَّر في السّما عن سِربِ أحبابو
ولِفِّ الكون.. يغريني أمل بكره
يقللي إوعه تتعب
ده اللي غابوا لسّة فاكرينك هِناك
مسافة قلب وتوصل..
ويفضل صوتو جوّايه
يداري الورده
يِكتِب في الحكاية كل يوم صفحة
ومَـلّي عيني مِ الفرحة
أصلو مش فاضل كتير
مسافة قلب ولازم بعدها هوصل
ومش هتعب
ومش هتعب

أختني الكريمة مريم العموري
أسعد الله أوقاتك كلها بكل الخير
أعتذر لتأخري في الرد على مداخلتك
لقد كتبتيها كأحسن ما تكطون العامية
دمت بخير و شكرا جزيلا لك
أنت شاعرة مبدعة
د. جمال

[د.جمال مرسي]

وترويني .
ومين غيرك هيرويني
ومين غيرك هيسقيني
وأنا العطشان و طال بعدي
و قلبك أغلى شيء عندي
يا ست الحسن يا بلدي

عشق ليس مثله عشق
الوطن نعم هو العشق الحقيقي
ولتكن لي هذه المداخلة راجية ان لا يكون اقتحامي قد ضايق متصفحك
ولكن هو الحب الذي حركته يا دكتر


تعال وضمني حدّك
تعال وروني حبك
تعال وخذني بين ايديك
تعال احويني بالفرحه
ترى عشقك صعب شرحه
واشوف نفسي انا حواليك
بلادي عشق ماله حدود
ونعمة ربي المعبود
واحط إيدي معاها ايديك
حماك الله يا بلادي
من ارهابي ومن معادي
وحنّا السور حواليك

نصك الرائع حرك مشاعري لبلدي
دمت جميلا كما انت
اختك

ينابيع السبيعي

أختي الكريمة ينابيع
ما أجمل أن يحرك الوطن أقلامنا فنكتب كل هذا الإبداع
جمييييييييييلة تلك القصيدة على قصرها
و الله نسأل أن يحمي بلاد المسلمين من كل مكروه
تقبلي الود
د. جمال