محمد حسن النادي
05-09-2013, 06:47 PM
http://l.yimg.com/lo/api/res/1.2/7S.pQVOp7kUSl.1bYOT.Rw--/YXBwaWQ9bWtihttp://3.bp.blogspot.com/_hZfL7AMuEYo/TQ53_4WXdtI/AAAAAAAAAIA/3bFoEs18c24/s320/Danbo_In_a_puddle_by_djcopeman.jpg
تمللي في الطريق تايه ومِتـْعَكـِّز
بشوفه كتير أوي واقف قصاد الزير //
بتاع الصبر..ومْرّكـِّز
بيشرب منه كوبايه ,,
وبيدندن له كام آيه
تعين قلبه على دَ القهر
سِمِعتهُ يقول على سِنُه ..شبابه عجوز
وإن الضحكة لو جاتله..بـ تِلوي البوز
وبتفارق//
ومين للحلم كان سارق !! سوى خوفك
وليه بتخاف من المجهول !
وليه بتقول:
بإن الدنيا دي أقدار// ومن جواك بتنكرها
وتايه وسط أحزانك
وداير وسط كل الناس// بِتشكيلها // بصوت خافت
بصوت خافت مهوش مسموع
أهو تفضفض...وبالمرة
ما تلقاش حد بيواسي, ولا شمتان
ولا يقولوا : ياعيني عليه
مانا عارفك..
تموت أحسن مايتصَعَّب عليك الناس
ولو فاض بيك...
أشوفك فـ الطريق تايه بتتعَكَّز
بتشرب من سبيل الصبر //--
وتدندن كذا آيه..وتستغفر
وتتذكر..سنين العمر
بالحلوة وبالمُرَّه
مهي الحلوة..حلاوة روح
ووياها مرااار ياما
حقوق الطبع محفوظة..//ومتصانة لروحك بس
وحق الــبث ..!
من عمرك
بتدفع منه من غير حس
أيا غلبان هتعمل إيه؟!
ما ضاع حبك
وفات عمرك
وأهل وناس..
ومات قلبك معاه إحساس
يخليك حُر
يمر العام وراه العام
ونفس المُر هو المُر
هقولَّك إيه؟
تعالى نروح سبيل الصبر
ونتدارى..ونتخبى
أسى الأيام يغيب حبة
ونهجر دنيا غدَّارة
ولو هنعيشها فـ مرارة..// بلاش اليوم
مهو خسارة..
يكون يوم الميلاد قاسي//
ونفس الـمُـر هـو الـمُـر
cryheart
تمللي في الطريق تايه ومِتـْعَكـِّز
بشوفه كتير أوي واقف قصاد الزير //
بتاع الصبر..ومْرّكـِّز
بيشرب منه كوبايه ,,
وبيدندن له كام آيه
تعين قلبه على دَ القهر
سِمِعتهُ يقول على سِنُه ..شبابه عجوز
وإن الضحكة لو جاتله..بـ تِلوي البوز
وبتفارق//
ومين للحلم كان سارق !! سوى خوفك
وليه بتخاف من المجهول !
وليه بتقول:
بإن الدنيا دي أقدار// ومن جواك بتنكرها
وتايه وسط أحزانك
وداير وسط كل الناس// بِتشكيلها // بصوت خافت
بصوت خافت مهوش مسموع
أهو تفضفض...وبالمرة
ما تلقاش حد بيواسي, ولا شمتان
ولا يقولوا : ياعيني عليه
مانا عارفك..
تموت أحسن مايتصَعَّب عليك الناس
ولو فاض بيك...
أشوفك فـ الطريق تايه بتتعَكَّز
بتشرب من سبيل الصبر //--
وتدندن كذا آيه..وتستغفر
وتتذكر..سنين العمر
بالحلوة وبالمُرَّه
مهي الحلوة..حلاوة روح
ووياها مرااار ياما
حقوق الطبع محفوظة..//ومتصانة لروحك بس
وحق الــبث ..!
من عمرك
بتدفع منه من غير حس
أيا غلبان هتعمل إيه؟!
ما ضاع حبك
وفات عمرك
وأهل وناس..
ومات قلبك معاه إحساس
يخليك حُر
يمر العام وراه العام
ونفس المُر هو المُر
هقولَّك إيه؟
تعالى نروح سبيل الصبر
ونتدارى..ونتخبى
أسى الأيام يغيب حبة
ونهجر دنيا غدَّارة
ولو هنعيشها فـ مرارة..// بلاش اليوم
مهو خسارة..
يكون يوم الميلاد قاسي//
ونفس الـمُـر هـو الـمُـر
cryheart