بمناسبة عيد ميلاد أمورتى هاجر

[ثروت محمد صادق]

هاجر يا مالية الروح حنين
إنتِ الهنا وطعم السنين
بلمسة منك ضاع الألم
صوتك نغم
حبك نِعم
والنظرة ليكى يا أميرتى تفرح القلب الحزين
هاجر حبيبتى
بتقولى بابا اقول حياتى
انام بحضنك اقول مناتى
نلعب شوية نجرى شوية
وهى تضحك وقلبى يضحك
والدنيا تضحك والورد يضحك
طالما هى راضية عليّ
ماهى عمرى وهى فرحى
وهى روحى ونور عنيىّ
تشوفوها لما تقابلنى فاتحة ياناس ايديها
وهى تجرى وقلبى يجرى يا ناس عليها
اقوم حاضنها وانسى همومى بضحكة عنيها
وتقولى بابا فين اللى جبته اقول مجبتش
تضحك وتيجى على طول تفتش
تاخد حاجتها تدينى بوسة وتقولى فركش
بدعيلها ربى يرضينى فيها
تكبر وتفرح يسعدنى بيها

[آمال المصري]

طفولية بريئة بحرف ماتع
بارك الله لك في هاجر وأنبتها نباتا صالحا
وكل عام وهي بخير
بوركت

[ناديه محمد الجابي]

مشاعر أبوية متدفقة بالحب والحنان
وكلمات رقيقة طابت نصا وجرسا ، وأطربت لحنا ومعنى
بارك الله لك فيها أمورتك هاجر
وحفظها لك وحفظك لها
وبورك حرفك المتألق.
:pr::001::pr:

[أسيل أحمد]

نبض شعري أبوي صادق، وفيوض دافئة مليئة بأجمل المعاني وأرقها بوزن انيق، وجرس بديع
عيد ميلاد سعيد وكل عام وهى بألف خير
ودام إبداعك.