مجموعة (خليك مصدق)

[الطنطاوي الحسيني]

هناك في المواقع المجتمعية الفيس بوك وتويتر و يوتيوب
حملة اعلامية بالفيديوهات لمجموعة شباب للتعريف بما يجري في مصر
بصورة جميلة وودية و تجعلك تفكر بشكل منطقي
هذه الحملة منذ فترة ولكنها اوحت لي بعمل ابداعي بنفس الاسم
لعله يكون مجاراة او عون لتعريف الناس الحقائق بطريقة فنية سهلة وسلسة وبسيطة
تدعو للتفكير وليس للتناحر
اول القصايد
وان شاء الله تاتي في تتابع يعني في نفس المتصفح هذا


خليك مصدق =1=

خليك مصدق
كدب من قلب البلد
خليك مصدق
ان الاسلام ارهاب بجد
في يوم وليلة
مرة واحدة ظهر اتولد
خليهم يشتمو دينك
باعلام اعار وبيهينك
اديهم ودانك مع عينك
وانزرع زي الوتد
امتى اخدت خبر بصحيح
من ناس تدلس بالتجريح
وناس بيادة تمشيهم
في بقهم بلجام ابليس
خليك مصدقهم وامشي
ان الشهيد دا قتل نفسه
صنع رصاصة من عضمه
وغرسها في قلبه وفجسمه
لو كان في رابعة العدوية
سلاح متقولي ودوه فين
الدم سال منها انهار
و اللحم مهروس عالصفين
محروق ابوك ياغباء سيبنا
كنا هناك والمولى معين
خليك مصدقهم خلي
و قانون الهي عليك يمضي
ظالم ومين يرضي الظالم
هتصيبه لعنة عليه تقضي
النصر والله هدية
من ربنا للشرعية
من بين شكوكنا جاي اوام
بس الثبات عالثورية
/
/
/
من اراد المشاركة فبها ونعمت حتى ولو بالرأي المخالف المهم يكون بشكل مؤدب ومهذب
دمتم احرار مبدعين

[الطنطاوي الحسيني]

خليك مصدق =2=

خليك محدق ومصدق
ان العدو دخل دارنا
وساب حدودنا وجاه زارنا
والجيش بتاعنا بيفدينا
تسهر عيونه ويحمينا
يقطع ادينا ويدينا
جرى دمانا و قطعنا
عشان نعيشله ويحيينا
خليك مصدقهم واعمى
عمى القلوب اللي بيلزق
لا تلاقي توبة ولا رجعة
و تموت بجهلك في المزنق
اعمل عينك كدا نضارة
واطبخ ضميرك (ببصارة)
او اقول مترميه في الحارة
تدوس عليه كدا بيادتهم
و يأصلو شرعيتهم
خطفو رئيس جاي بالصندوق
كأن مصر دي عزبتهم
والله حتى دي لو عزبة
وخطفو رئيسها بالقوة
لقام لنصرة عمدتهم
رجالة بشهامة وعزوة
خليك مصدقهم لكن
في الاخرة ربنا هيحاسبك
متقولشي وانا ايه كان ذنبي
مافي حد في الاخرة يعاتبك
لآنك انته بقيت منهم
و الناس دي ماتت وبسببك

خليك مصدق

[الطنطاوي الحسيني]

خليك مصدق(3)
خليك مبرَّق ومصدق

الواد داهو ابو حمالة
ابو شنطة قمطة على كتافه
ارهابي قال ايه برياله
قبض عليه قبل ما شافه
ملو المدارس خيبهم
لكن دا جيشنا قوي صاحيلهم
هيقفل الفصل ويقعد
و يحط كلبوش في رجولهم
عشان ايديهم ضعفانه
الساندويتشات رامينها
وبياكلو شيبسات ولبانة
كارهين عساكر بتخونها
حطو فشنطهم نبلاية
وكمامات ويا بصلهم
وبيقلوبوهلنا حكاية
الحق دي كاميرا تصورهم
هنحط في المنهج حكمة
وكلام يعدينا الازمة
ان الرئيس اللي انتخبوه
ملوشي للعسكر لازمة
ومصر تمشي ببيادتهم
تلحسها هتحل الازمة
وانسو شهيدكم دا شهيدنا
قاتلينو هيروح الجنة
بنحبكم نضرب نخبط
عشانكو هنموت روحنا
راح نلغي عقل اللي يفكر
ونحط فيه ستين طوبة
ونحرر الشعب نعسكر
عدله هتمشي ومقلوبة
ام جالهم الواد تيتو حتة
عيل صغير يعجبنا
جمع تلامذة مدرسته
رفع اشارة ورفعنا
الرابعة في القلب يا عسكر
و مصر مش حتى معسكر
روحو لحدودكم فاروقنا
دا شعبنا لا لن يقهر
ودي مصر مصر هتتحرر

العسكري ابو دبورتين
رمى عليه كم قنبلتين
لأه و خرطوش و غازاتو
مرجعش ضرب الحي كمان
مرجعش راح في خبرا يا ما كان
استشهد الواد بشهامته
و الدم غرق برايته
كراسة الحصة في ايديه
وتهمته كات ببراءته
كاتب عليها انه هيسقط
حكم العساكر وبيادته
خليك مصدقهم اوعى
تجيلك الشفقة تعينا
الواد اصله دا نجاسة
مسحوه دا طلع لنا عينا
عساكرنا يا ناس غلبانة
شيقانة فعلا تعبانة
من روضة ولجامعة لمعهد
شغلانة سودة وخربانة
وحدودنا يا سلام دي نضيفة
وقفو عليها الحريفة
صهاينة ساعدو ورجالة
في المحنة مش عايزة قوالة
لو حبو سينا هنديلهم
كسرين عنينا اه بجميلهم
لو عازو ان نبيد غزة
علطول اسودنا تلبيلهم
بنحارب الارهاب مع بعض
دول ولد عم وعرض العرض
الهي يحشرنا معاهم
في الجنة لو حتى جهنم
طالما احنا و احبابنا
دي نارنا حتى تصير مغنم
وقائدنا أمه صحيح منهم
اخوال و عزوة بتوراتهم
لا ثورة بقى ولا لوي دراع
مش محتاجين امراض واوجاع
خلينا نرضي اسيادنا
فلفل قلوب كدا حسادنا
خليك مصدقهم يا با
هيحررونا بمعتقلات
و يأكلونا فتات عيشهم
بعد ما يغروقو في اللذات
خليك مصدق وادعيلهم
اصل اللي اختشى قالو دا مات



يتبع ان شاء الله

[محسن البدراوى]

السلام عليكم ورحمة الله وبركاتة
اولا احب ان ابارك افتتاح متصفحك الرائع "خليك مصدق " وبأذن الله كلنا معك
ثانيا عايزك تدعى معايا على اللى قع الكهرباء لانى كتبت هنا ارتجاليه طويله من وحى كلماتك الرائعه وعلى نفس النهج
الا ان الكهرباء ابت الا تكتمل قبل اضافة التعليق
ساعود قريباً
كن بالعلا ابدا
وبالتوفيق

[الطنطاوي الحسيني]

السلام عليكم ورحمة الله وبركاتة
اولا احب ان ابارك افتتاح متصفحك الرائع "خليك مصدق " وبأذن الله كلنا معك
ثانيا عايزك تدعى معايا على اللى قع الكهرباء لانى كتبت هنا ارتجاليه طويله من وحى كلماتك الرائعه وعلى نفس النهج
الا ان الكهرباء ابت الا تكتمل قبل اضافة التعليق
ساعود قريباً
كن بالعلا ابدا
وبالتوفيق
اخي الكريم المبدع الطيب الشاعر محسن البدراوي
اشكرك اخي لروحك العالية و اعانتك الحق والبحث عنه
و اعتذر اني كنت سبب قلقك ولكن الله يقصم ظهر الذي يقطع الكهرباء امين
اشكرك اخي و معنا ومع الاحرار ننسج نهجا لثورة الكلمة الحرة
دمت حرا مبدعا
ننتظر اسهاماتك

[محسن البدراوى]

خليك مصدق الكلام
وامشى ورا أفعال الخسيس
قتل فى شعبه بدون سلام
ومن أمتى كان دمى رخيص
بحلق بعينك يا همام
واسمع كلام خالتك لاميس
اياك تكدب لافتراء
واشرب كمان (جوانين) حشيش
خليك مغيب فى زمان
الطفل عافر وكان حسيس
مرضيشى ابداً بالمهان
ومات عريس يوم الخميس

خليك مصدق كدبهم
زيف حقائق زيهم
تجار ديانه بطبعهم
ارهاب بيحكم عقلهم
واوعى تفكر او تقول
ان السجون
لمت دكاتره منهم
علماء وخبرا ف شغلهم
واوعاك تفكر انهم
عون للغلابه ف حيهم
خليك مصدق انهم
ارهاب ولازم نحشهم
خليك مصدق كدبهم

[الطنطاوي الحسيني]

الله الله الله عليك
اخي محسن رائع وجميل
زجال وشاعر اصيل
خليك مصدق (4)
خليك مصدق بوم وعشش نخلنا
البوم فيوم لقى الحمام عمال بياكل رزقنا
ورغم ان البوم تبع و حمامنا كان هو الرئيس
قلب عليه كل الوجع خطفو متعرفشي الهويس
وجاب معاه كم نسر واكل جثته
وياه مخالب اه وعقارب وجحوره تعرف حيته
لفو على الزغلول لغم يمكن يسلم عشته
مخافش منهم البطل وصاح في أهله وغيته
الحق انا ثابت عليه و دافعو ظالم يحرته
قام الحمام جوا الزمام بهجوم مباشر واعتصام
فلفل فلول البوم أوام لما الفضيحة عمته
خاد النسور ويا التعالب ودبحو شوف عملته
لكنّ باقي الغي قام صحا لسواده و فعلته
اكل حبوبهم كلها و قطع العيدان سهام
لفلف حبال من زغب طيره وعملو للبوم الزمام
البوم يقاوم حبلهم والنسر سابو بمعركة
مقدرش عاكوام الحمام لفولو حبل المشنقة
قتلوه وبعديه علقوه على شجرة ناشفة معروقة
بقى عبرة دايما للي فاكر قوته راح تنجده
وتركع الاحرار و غيات الحمام تبطل زقزقة


نتية سريعة يارب تعجب

[عصام سامي ناجي]

خليك مصدق وأوعي تسمع أي حد

خليك مصدق إننا أرهاب بجد

بس لما أخوك يموت

أوعي تنسي أنك أنت

إللي فضلت السكوت

لما شوفت أحلام بلدنا في التابوت



ومضة بسيطة اخي طنطاوي ولي عودة أن شاء الله

[الطنطاوي الحسيني]

خليك مصدق وأوعي تسمع أي حد

خليك مصدق إننا أرهاب بجد

بس لما أخوك يموت

أوعي تنسي أنك أنت

إللي فضلت السكوت

لما شوفت أحلام بلدنا في التابوت



ومضة بسيطة اخي طنطاوي ولي عودة أن شاء الله

ومضة لكنها معبرة وواضحة رائعة اخي الكريم
المبدع عصام ناجي
ننتظر بعد القطر المطر
رائعون
هيا يا احرار يا ابطال القلم والابداع
خليها مجموعة هنا وننقلها بالتتابع على الفيس والتويتر ان شاء الله تعالى

[محسن البدراوى]

خليك مصدق ان وطنك لسه فيه مكان فسيح
خنقوا الزمام ف طلتك وصوت بينبح مش مريح
والكلمة عادة حشرجة ف الزور بتخرج بالدبيح
حرقوا الحقيقة مع الجثث وقالوا كدب ومش صحيح
والصورة فيها المقصلة ورصاص وغاز وصوت فحيح
وناس بترقص ع الجثث تعظيم سلام جيشنا مليح
خليك مصدق كدبهم بكرا الحيطان عليك تطيح
ولا تسلم انت بمكرهم وطنك خلاص ف مهب ريح


اعتذر عن بعض الاخطاء
كتبتها ارتجالية على عجل
تحيتى للجميع

[الطنطاوي الحسيني]

الله الله الله
رائعة اخي الحبيب المبدع محسن بدراوي
جميلة وقراتها جلها صحيح رغم ان بها فصيح كتير لكن الناس بتفهم
طالما فهمت ما قبله وما بعده
تصبح على خير من الله وبركة
وغدا لنا بإذن الله طلقة من طلقات خليك مصدق

[محمد كمال الدين]

خليك مصدق دنيا فانيه وعيش حياتك ف انتظار
واملا ف عيونك من كلامهم ألف وهم يمجد الأحلام بنار
واحلم كتير
واسرح كتير
وابنى ف مداينهم بطوب الحر قلعة بتحمي ليهم من دمانا الشمس تطلع للنهار !
------
أستاذي الشاعر المبدع الطنطاوي حسين
فكرة جميلة و تعرية أجمل
لك خالص تقديري
والمحبة

[الطنطاوي الحسيني]

خليك مصدق دنيا فانيه وعيش حياتك ف انتظار
واملا ف عيونك من كلامهم ألف وهم يمجد الأحلام بنار
واحلم كتير
واسرح كتير
وابنى ف مداينهم بطوب الحر قلعة بتحمي ليهم من دمانا الشمس تطلع للنهار !
------
أستاذي الشاعر المبدع الطنطاوي حسين
فكرة جميلة و تعرية أجمل
لك خالص تقديري
والمحبة
استاذي المبدع المشرف محمد كمال الدين
سلام عليك ابد
اشكرك اخي لهذا التألق
فعلا اخي كلماتك قليلة ولكن ترمي بمغزى رائع لطلوع الفجر من عين النار او الشمس
رائعة
تقبل تحياتي وننتظر المزيد
من هذا الابداع الرائع والتألق صورا وشعرا

[الطنطاوي الحسيني]

خليك مصدق 5


اشبط بهم خليك مصدق


خليك مصدق إن انا استبحت دمك
قلت كافر بعدها قطعت كمك
رغم ان دمي انا اللي بيجري في الليل والنهار
ورغم ان اللي مصدقه بعد الدبيح ولعها نار
حتى المصاب خلاه فطيس جنب الشهيد في الاحتضار
بعدين برتلين جاز وسخ دلقه على اطهر جثث
و بعد تجريف الميدان من كل حي وكل جار
ولع بكبريته في اطهر خلق بعد الفجر او وسط النهار
سمعنا صرخاتهم وشعر الراس يشيب و قشعر جسمنا
وشمينا لاول مرة لحمنا اه بيتشوي في مصرنا
و تقولي- تسلم-
لعنة الله على كل كف اتعاص من دمنا وقطّع لحمنا
هتقولو ايه هتقولو ايه او كان دا ليه بكرة تقابلو ربنا
يحرق أبوك يا حقد إسود نجّس أرضنا
وبرغم حرق الناس و سحل وسجن من دي عصابة مصهينة
شعبي البطل ما يهاب رصاص ولا هاب سلاح وقام ووحّد ربنا
فضل بأبطاله يقول رابعة و يطلب تار شهيده يجيبه لحدّنا
مشواره صبر و جثث بقبر وابطال بسجن تضحي زينا
والخير دا جيّ والله دا حيّ وحقنا والله جي بثباتنا كلنا

خليك مصدق لسة جاي الدور عليك
اياك تقول لو نص كلمة تجر بيادتهم اليك
آدي السجون مستنياك
حتى لو التفويض كتبته فيوم وقدمته بإيديك

خليك مصدق

[محمد عبد القادر]

فكرة ممتازة الحقيقة
و مشاركات الخوة هنا ملهمة
بوركتم

[عصام سامي ناجي]

خليك مصدق كذب واضح للعيان

اللي فينا بيتقتل هو المدان

لية بيحضن في الأمل

لية بيهتف باسم ثورتنا العظيمة

لية يقول لازم لابد تكتمل

لية يطالب بالحقوق

مايكون كدة جنتل وذوق

ويحط في البق اللسان

[سليمان أحمد عبد العال]

صدق صدق تدليسي
ودي وكالتك للسيسي
دة بيعرف تكتيك إبليسي
وبيعرف مصلحتي كمان
****
جاب شلة وعمل لمة
وعايز مصلحة الأمة
والشعب إداله الكلمة
هو العارف والفهمان
*****
صدق إنه مش عسكر
حلو وعسلاته سكر
وبيعرف الله أكتر
أكتر من كل الإخوان
******
شفت إزاي الحرية
بتجيبها البندقية
والأحداث القمعية
ياللي بتهتف بالميدان
******
ياللي تجمعتو برابعة
وعملتوا زفة ومتعة
الخلافة مش راقعة
والواحد منكم جربان
******
وبتقولوا بلطجية
دول أنصار الحرية
واحد منهم عن مية
دول رجالة مش خرفان
*****
والإعلام المستأجر
بيصغرها وبيكبر
وبيقللها وبيكتر
وبيعرف أفعال الجان
******
صدق صدق يا مصري
إنه القانون العصري
مع غنوة وهزة خصري
أحسن من حكم القرآن


* خربشات للمشاركة .............سامحوني

[الطنطاوي الحسيني]

خليك مصدق كذب واضح للعيان

اللي فينا بيتقتل هو المدان

لية بيحضن في الأمل

لية بيهتف باسم ثورتنا العظيمة

لية يقول لازم لابد تكتمل

لية يطالب بالحقوق

مايكون كدة جنتل وذوق

ويحط في البق اللسان
أخي المبدع الحبيب
عصام ناجي
رائعة منك والله و فكرتها خفيفة وواضحة و معاصرة الاحداث
تسلم ننتظر المزيد حتى نرد كيد ابليس والمردة كلهم ان شاء الله تعالى
نصر الله مصر وشرعها وشرعيتها
ومع خليك مصدق

[الطنطاوي الحسيني]

صدق صدق تدليسي
ودي وكالتك للسيسي
دة بيعرف تكتيك إبليسي
وبيعرف مصلحتي كمان
****
جاب شلة وعمل لمة
وعايز مصلحة الأمة
والشعب إداله الكلمة
هو العارف والفهمان
*****
صدق إنه مش عسكر
حلو وعسلاته سكر
وبيعرف الله أكتر
أكتر من كل الإخوان
******
شفت إزاي الحرية
بتجيبها البندقية
والأحداث القمعية
ياللي بتهتف بالميدان
******
ياللي تجمعتو برابعة
وعملتوا زفة ومتعة
الخلافة مش راقعة
والواحد منكم جربان
******
وبتقولوا بلطجية
دول أنصار الحرية
واحد منهم عن مية
دول رجالة مش خرفان
*****
والإعلام المستأجر
بيصغرها وبيكبر
وبيقللها وبيكتر
وبيعرف أفعال الجان
******
صدق صدق يا مصري
إنه القانون العصري
مع غنوة وهزة خصري
أحسن من حكم القرآن


* خربشات للمشاركة .............سامحوني


اخي المبدع الشاعر سليمان عبدالعال
ايه الوجه البشوش السمح
وهل ياتي مثل هذا الطيف باللطف
رائعة كدت ان تفض بكارة قولنا جميعا رغم اللكنة البادية في شعرك المحكم
رائعة والله
دمت مبدعا ابدا
ننتظر من هذه الخربشات الكثير والكثير
نصر الله كل الامة على كل الظلمة امين

[الطنطاوي الحسيني]

خليك مصدق (6)


خليك مصدق كدب عسكر غش فينا
قال دا خطة محكمة وتخيل علينا
نفس ما قال البطل مرسي الأمين
تاني يوم قاله العميل مين خانه لينا
قال دا تشغيل الشباب هو الاساس
و ان لازم نخلع حكومة موفقة و نحط ناس
حرامية ماش بلطجية نعترف والراس براس
حل المجالس اللي شعب مات عشانها فانتخاب
أخفى الرئيس المؤمن الحر الآبي
جبناه بثورة من دمانا وملينا بالدم الجراب
فين الأمان اللي وعدنا وقال عليه
فين الحقيقة في سقوطنا تايه ليه
اعلام يغش بيملى عش يبوس اديه
فين اقتصادنا فرحتي لا سياحة لا زراعة لا مال
لا صناعة لا وظيفة نأكل من حلالها كوم العيال
قال ايه ويطرد من شغله الاسد الشريف
ملقوش قضية يلفقوهالهو عشان نضيف
واسود بلادي دخلت القفص اللي يستاهله العميل
والله دا مش مصري يمكن ده من دولة اسرائيل
خططه جايبها من اخواله اليهود و هنا الدليل
أسأل سلاحه يضربه ويصفي بيه راس الشهيد
مين حرمه مين جرمه رأسا دا جاي عشان العبيد
فين الآمان فين الأمل تغييرنا فين فين العمل
مصر اللي كنا نرقع الخطأ القديم في جلاباب صبرها
دلوقت مش لاقيين رقع للحالة دية و عزها في مهب ريح
في ايدين عساكر مش نضاف فاكرين نخاف
خوفنا كرهنا و احنا بنكره مين يخاف
اصبر يا فجري لسة حبة ليل وبعدين نندهك
مين يعمى شاف

خليك مصدق واقتل الصوت الضعيف لضمير ضعيف
وامشى جوا الحيط وخليك في الامان طيب شريف
اوعى ضميرك يصحى تاني او حد تاني ابنك او صديقك
اقتله وامشي فجنازته وابكي قول قوم خد مكاني

[الطنطاوي الحسيني]

خليك مصدق (6)


خليك مصدق كدب عسكر غش فينا
قال دا خطة محكمة وتخيل علينا
نفس ما قال البطل مرسي الأمين
تاني يوم قاله العميل مين خانه لينا
قال دا تشغيل الشباب هو الاساس
و ان لازم نخلع حكومة موفقة و نحط ناس
حرامية ماش بلطجية نعترف والراس براس
حل المجالس اللي شعب مات عشانها فانتخاب
أخفى الرئيس المؤمن الحر الآبي
جبناه بثورة من دمانا وملينا بالدم الجراب
فين الأمان اللي وعدنا وقال عليه
فين الحقيقة في سقوطنا تايه ليه
اعلام يغش بيملى عش يبوس اديه
فين اقتصادنا فرحتي لا سياحة لا زراعة لا مال
لا صناعة لا وظيفة نأكل بالحلال كوم العيال
قال ايه ويطرد من شغله الاسد الشريف
ملقوش قضية يلفقوهالهو عشان نضيف
واسود بلادي دخلت القفص اللي يستاهله العميل
والله دا مش مصري يمكن ده من دولة اسرائيل
خططه جايبها من اخواله اليهود و هنا الدليل
أسأل سلاحه يضربه ويصفي بيه راس الشهيد
مين حرمه مين جرمه رأسا دا جاي عشان العبيد
فين الآمان فين الأمل تغييرنا فين فين العمل
مصر اللي كنا نرقع الفتق القديم في جلباب صبرها
دلوقت مش لاقيين رقع للحالة دية و عزها في مهب ريح
في ايدين عساكر مش نضاف فاكرين نخاف
خوفنا كرهنا و احنا بنكره مين يخاف
اصبر يا فجري لسة حبة ليل وبعدين نندهك
مين يعمى شاف

خليك مصدق واقتل الصوت الضعيف لضمير ضعيف
وامشى جوا الحيط وخليك في الامان طيب شريف
اوعى ضميرك يصحى تاني او حد تاني ابنك او صديقك
اقتله وامشي فجنازته وابكي قول قوم خد مكاني

خليك مصدق
ننتظر ابداع المبدعين الرائعين

[محسن البدراوى]

مستنى أيه بعد الضياع
مستنى أيه بعد اللى مات
مستنى أيه بعد الخضوع
بعد الخنوع بعد الوداع
راحوا اللى قبلك للهنا
والجنة فاتحلهم دراع
راحوا اللى قبلك للسما
باعوا الحياة وباعوا المتاع
وهناك بقالهم مرتبة
والخطوة ليهم الف باع
أمسك خلاص ف دنيتك
وأرضى بذُلّك وانصياع
وارضى منهم بالشتيمة
والسباب ودا انطباع
وشد فوق وشك خمار
واقعد ف بيتك كالحريم
واعمل (رجيم)
احسن خلاص اللقمة
راح تصبح خصيم
خليك وشاهد مطرحك
والدنيا قايدة بألف تار
مات الجدع ورا مطلبك
وانت مصاب بالانهيار
وانت بحالتك مستمع
ومصدق الكدب المشار
خليك مصدق كدبهم
لتموت بطل لتعيش حمار



وليدة اللحظة
محسن البدراوى

[الطنطاوي الحسيني]

وأرضى بذُلّك وانصياع
وارضى منهم بالشتيمة
والسباب ودا انطباع
وشد فوق وشك خمار
واقعد ف بيتك كالحريم
واعمل (رجيم)
احسن خلاص اللقمة
راح تصبح خصيم
خليك وشاهد مطرحك
والدنيا قايدة بألف تار
مات الجدع ورا مطلبك
وانت مصاب بالانهيار

رائع ايه الرائع
كلام يوجع
لكن يصحصح

داوم اخي واسف للتاخير لما تعرف وايضا لان النت كان فاصل عندي
سأتابعك قريبا ايه الفارس المغوار