أحمد عطا عباس
07-12-2013, 11:30 AM
متاهة العصافير
.............
عصفورة لمت قشها
كات ناويه تبنى عشها
تعبت كتير . والقش طار
أصل المقاول غشها
...............
عصفورة تانيه نفسها
ترسم طريقها لنفسها
تزعق تبوح . بركان طموح
ولا حد عاقل حسها
..............
والتالته عايشه عالكفاح
قدام عنيها شقاها راح
صرخت وقالت إرحموا
قالولها بس .. بلاش نواح
................
والرابعه ناويه عالرحيل
طفشانه م الباشا البخيل
حرس الحدود . نصبوا السدود
وقالولها إنسي . مفيش بديل
..................
...........
عصافيرنا مين قال انها
لازم تعيش جوا القفص؟
مين اللى حلل سجنها
وحرمها من كل الفرص ؟
.
قالوا الأسد هوا السبب
شيلنا الأسد جيبنا الفرس
قام الفرس شت ورفس
وخاب وساق فيها الهجص
.
وف قرب عيد
جانا البعيد
نفس الأسد
بس الجديد
وقال خلاص شيلنا الفرس
عصافيرنا فرحت هللت
أتاريها كات رنة جرس
وعشوشنا بيها اتهلهلت
.
متاهة والفخ اتنصب
عصافيرنا لسه بتغتصب
والعش بردو لا زال بقش
لكنه منصوب عالشجر
.
.
.
بقلم
أحمد عطا
.............
عصفورة لمت قشها
كات ناويه تبنى عشها
تعبت كتير . والقش طار
أصل المقاول غشها
...............
عصفورة تانيه نفسها
ترسم طريقها لنفسها
تزعق تبوح . بركان طموح
ولا حد عاقل حسها
..............
والتالته عايشه عالكفاح
قدام عنيها شقاها راح
صرخت وقالت إرحموا
قالولها بس .. بلاش نواح
................
والرابعه ناويه عالرحيل
طفشانه م الباشا البخيل
حرس الحدود . نصبوا السدود
وقالولها إنسي . مفيش بديل
..................
...........
عصافيرنا مين قال انها
لازم تعيش جوا القفص؟
مين اللى حلل سجنها
وحرمها من كل الفرص ؟
.
قالوا الأسد هوا السبب
شيلنا الأسد جيبنا الفرس
قام الفرس شت ورفس
وخاب وساق فيها الهجص
.
وف قرب عيد
جانا البعيد
نفس الأسد
بس الجديد
وقال خلاص شيلنا الفرس
عصافيرنا فرحت هللت
أتاريها كات رنة جرس
وعشوشنا بيها اتهلهلت
.
متاهة والفخ اتنصب
عصافيرنا لسه بتغتصب
والعش بردو لا زال بقش
لكنه منصوب عالشجر
.
.
.
بقلم
أحمد عطا