أحمد عطا عباس
12-12-2013, 11:28 AM
غلا غلا
كل الحياه متكعبلا
غلا غلا
عايشينها آخر بهدلا
غلا غلا
إسمع وركز يا ولا
..............
اللحمه عالصحه . خطر
والعدس موصوف فى المطر
ولو دراعك يوجعك
ملهوش علاج غير يتبتر
ونحل أصل المسأله
غلا غلا
.
والبت فايزه واختها
ياعينى مايل بختها
ولافيش عريس يوم راح لها
أصل الجهاز مش عندها
والحاله زفت وقندلا
غلا غلا
.
والواد عشان جاب بنطلون
شهرين يسدد فى الديون
بياع ومش لاقى الزبون
وموظفين صابها الجنون
والكل عايش دنجلا
غلا غلا
.
والشعب كله اتغذى فول
مفعوله سحرى على العقول
تطلب يمين . يديك شمال
وتقول طلوع . تلقا النزول
والشعب ساق الهرتلا
غلا غلا
.
حليب ما عدنا بنشربه
وكبيرنا بس نجربه
وام العيال . لو جوزها قال
لفيلنا محشى بتضربه
والغدوه تقلب مشكله
غلا غلا
كل الحياه متفشكلا
غلا غلا
وبالهموم متشكله
غلا غلا
الله فى عونك يا ولا
كل الحياه متكعبلا
غلا غلا
عايشينها آخر بهدلا
غلا غلا
إسمع وركز يا ولا
..............
اللحمه عالصحه . خطر
والعدس موصوف فى المطر
ولو دراعك يوجعك
ملهوش علاج غير يتبتر
ونحل أصل المسأله
غلا غلا
.
والبت فايزه واختها
ياعينى مايل بختها
ولافيش عريس يوم راح لها
أصل الجهاز مش عندها
والحاله زفت وقندلا
غلا غلا
.
والواد عشان جاب بنطلون
شهرين يسدد فى الديون
بياع ومش لاقى الزبون
وموظفين صابها الجنون
والكل عايش دنجلا
غلا غلا
.
والشعب كله اتغذى فول
مفعوله سحرى على العقول
تطلب يمين . يديك شمال
وتقول طلوع . تلقا النزول
والشعب ساق الهرتلا
غلا غلا
.
حليب ما عدنا بنشربه
وكبيرنا بس نجربه
وام العيال . لو جوزها قال
لفيلنا محشى بتضربه
والغدوه تقلب مشكله
غلا غلا
كل الحياه متفشكلا
غلا غلا
وبالهموم متشكله
غلا غلا
الله فى عونك يا ولا