محسن البدراوى
21-03-2014, 01:12 AM
رغم أختلاف الزمن والقصـــة والحواديت
سايق عليـــكى النبى لَتْهَدِّى أصـلِى شَكيت
والدم مش مبدئـــــى ولَّا ليـــــا ف النبابيت
وسلاحى شايلُه لعدو مش لأختى جوا البيت
سايق عليكى النبى ما أشبعنـــا م الشلاليت
والضرب والتفتيش ما خلاص بقــــا مَلِّيت
..
سايق عليكى النغم لمْا قال فداكــى الروح
والجسم ليكى لغَّم لو رجْل جوا تــــروح
شايفينا برَّا غنَّم كفيانا بقا ف جــــــــروح
دى الثورة كانت امل بَنِّت لحلمى صروح
...
سايق عليكى النبى كفيانا بكــــــا مع ويل
الدم فاض بالكيل ولا عادشــــى لينا دليل
قاتل يا ست العدل شايفه بعينـــــى عويل
عملولوا ميت تدويل مالجانى اصله عليل
والمجنى بقا متـــهم والحسبة ف التأويل
...
سايق عليكى النبى فُضِّى الجراح فُضِّى
القلب سكنه الألم والجسم متْعبِّـــــــــى
والساحة لمّة عدم والكل بيلَبِّـــــــــــــى
والثورة صبحت قلم طرقع على خـــدِّى
شدى الستارة يا غالية ملِّينا بقا هَــــدِّى
مشاهدك كما مطبات ونظرى على قدِّى
النص معارضة شعرية لقصيدة الاستاذ رضا محمود
التى يقول فيها
سايق عليكي النبي..يا مؤمنـة بالله
لا تآمني يوم للغَبي..ولا تحتمي بحمَاه
ما تسلّميش القُطط مُفتاح كرار البيت
وترضي بالفتافيت..من إيد عبيد الجَاه !
سايق عليكي النيل..والأهـرامات والطّور
وروعـة التفاصيل..في تاريخك المَسطور
سايق عليكي الكَرَم رغم اختلاف الزَمَن
تسقيني جرعة وطَن..تفتحلي طاقة نور
سايق عليكي البطَل..إبنك صلاح الدّين
وفَرْحك اللي اكتَـمَل..بالثورة فـ الميادين
تلمّي ورد الجناين من إيدين المُوت..
ماعدش فيها سكُوت ولا صَبر عـ الفاسدين
سايق عليـــكى النبى لَتْهَدِّى أصـلِى شَكيت
والدم مش مبدئـــــى ولَّا ليـــــا ف النبابيت
وسلاحى شايلُه لعدو مش لأختى جوا البيت
سايق عليكى النبى ما أشبعنـــا م الشلاليت
والضرب والتفتيش ما خلاص بقــــا مَلِّيت
..
سايق عليكى النغم لمْا قال فداكــى الروح
والجسم ليكى لغَّم لو رجْل جوا تــــروح
شايفينا برَّا غنَّم كفيانا بقا ف جــــــــروح
دى الثورة كانت امل بَنِّت لحلمى صروح
...
سايق عليكى النبى كفيانا بكــــــا مع ويل
الدم فاض بالكيل ولا عادشــــى لينا دليل
قاتل يا ست العدل شايفه بعينـــــى عويل
عملولوا ميت تدويل مالجانى اصله عليل
والمجنى بقا متـــهم والحسبة ف التأويل
...
سايق عليكى النبى فُضِّى الجراح فُضِّى
القلب سكنه الألم والجسم متْعبِّـــــــــى
والساحة لمّة عدم والكل بيلَبِّـــــــــــــى
والثورة صبحت قلم طرقع على خـــدِّى
شدى الستارة يا غالية ملِّينا بقا هَــــدِّى
مشاهدك كما مطبات ونظرى على قدِّى
النص معارضة شعرية لقصيدة الاستاذ رضا محمود
التى يقول فيها
سايق عليكي النبي..يا مؤمنـة بالله
لا تآمني يوم للغَبي..ولا تحتمي بحمَاه
ما تسلّميش القُطط مُفتاح كرار البيت
وترضي بالفتافيت..من إيد عبيد الجَاه !
سايق عليكي النيل..والأهـرامات والطّور
وروعـة التفاصيل..في تاريخك المَسطور
سايق عليكي الكَرَم رغم اختلاف الزَمَن
تسقيني جرعة وطَن..تفتحلي طاقة نور
سايق عليكي البطَل..إبنك صلاح الدّين
وفَرْحك اللي اكتَـمَل..بالثورة فـ الميادين
تلمّي ورد الجناين من إيدين المُوت..
ماعدش فيها سكُوت ولا صَبر عـ الفاسدين