كتروا الوطاويط

[محمود موسى]

كِتْروا الوطاويط
والناس فاكرين الأمر بسيط
كِتْروا الوطاويط
والكل بيفهم بالتقسيط
كِتْروا الوطاويط
والجاني بيعمل نفسه عبيط
كِتْروا الوطاويط
واحنا ضحايا لفرق التوقيت
كِتْروا الوطاويط
وشيطان ع الشاشة بيتجَمّل
كِتْروا الوطاويط
واحنا بأفكاره بنِتزَمّل
كِتْروا الوطاويط
والخوف بِسْكوتك متمول
كِتْروا الوطاويط
راجعينلك أسوأ م الأول
كِتْروا الوطاويط
والدقن العيرة بتِتْلائِم
كِتْروا الوطاويط
بتعِيب في خروجك ع الحاكم
كِتْروا الوطاويط
والجهل ف مخك بيلاكم
كِتْروا الوطاويط
بقى نادر يظهَرلك عالِم
كِتْروا الوطاويط
وحصار ع الأتة المحلولة
كِتْروا الوطاويط
والشعب هنا بيلعب أولى
كِتْروا الوطاويط
واحنا ف خطاباتنا المعسولة
كِتْروا الوطاويط
والدم خلاص بقى كوكاكولا!

[آمال المصري]

فساد فساد من الإعلام إلى الحكام ...
لخصت الواقع في غنائية جميلة شاعرنا الفاضل فشكرا لك ألفا
ومرحبا بك في واحتك
تحاياي

[محمود موسى]

فساد فساد من الإعلام إلى الحكام ...
لخصت الواقع في غنائية جميلة شاعرنا الفاضل فشكرا لك ألفا
ومرحبا بك في واحتك
تحاياي

الله يعزك يا أستاذة

[الطنطاوي الحسيني]

من روائعك
تصف الحال بصدق و قوة
الاداء الشعري فيه تطور من التفعيلة للعمودي و من ثقل الصورة والمضمون لفئة معينة
اصبح سهل ميسور لكل الفئات
تحياتي وتقديري لابداعاتك الرائعة الجميلة

[خالد الهواري]

لا مكتروش ولا حاجة هما نفسهم بتوع زمان بس نفشو شوية........بالنسبة الاخر بيت في الرائعة هذه ........ هو معلقة صغيرة تحكي الواقع