للحد ده- باللهجة المصرية

[حسام السبع]

للحدِّ ده
للحدِّ ده تِستهتري؟؟
تنسي المعاد تتأخري؟؟

ده كان لقانا عِيد مِيلادْ
ألِفِّ بيه كل البلادْ

أمشي بجناين من خيال
من فرحتي ..تتصوري ؟
******

للحدّ ده تستهتري؟؟
كنت ِ بحنيني تِنوّري..

تتزوّقي من الوداد ْ
ازاي تزيدي في البعادْ

كل الأماني و المحال
كانت بِـيَدّك تـُؤمُري
****

إزاي كده تتغيّري ؟؟
فـَيـَّا أنا تـِتجبـَّري

وأعيش انا ليل السهادْ
ما فهش فيه غير السوادْ

مهما زمان الهجر طال
تـِبقي بخيالي تخطري

[آمال المصري]

جميلة بلهجتها المصرية ولحنها وفيض مشاعر عتب ولوم انهمرت من بين السطور
لترتل لنا بوحا شعرياً وشاعرياً غاية في الجمال والألق
أبدعت شاعرنا الفاضل ...
خالص التحايا

[حسام السبع]

شكرا لمرورك الشاعرة الأخت الفاضلة
امال المصري

[ناديه محمد الجابي]

عتاب خفيف ولوم بحرف عذب رقيق
مع صياغة شعرية ساحرة
حس نبيل، وجرس جميل، وتراكيب مميزة.
دمت بروعة وألق.
:007::005::007: