رسالة مواطن (( متصدقيش))

[خالد الجريوي]

ما تصدقيش
شوفي الحقيقه ..
جواكي انتي ومتهربيش
ما تصدقيش
مهما قالوا ..
عني وعنك .. ما تصدقيش
ما تصدقيش
انتي جوه القلب ..
وغيرك انتي أبدا مفيش
ما تصدقيش
من غيرك انتي .. مقدرش اعيش
ما تصدقيش
يا حلم عشته ..
زمان قابلته .. مابينتهيش

كل احلامي بدونك
كانت سراب
كل ايامي بدونك
كانت خراب
أيام رمتها .. لما قابلتني عينيكي
عشت فيكي ساعتها
أنا عشت ليكي
في كل افراحي .. وفي المحن
لما غنت روحي ليكي
وفي الشجن
يومها عرفتك
عرفت ايه معنى الوطن

ما تصدقيش
حد شارب ميتك
إنه يكره جنتك
يبقى منك أو إليكي
ما تصدقيش
حد يفرق لمتك
او يكفر ذمتك
يبقى شاريكي
دا ع الوطن مدسوس
بايع عرضه بفلوس
يبقى أمير
يبقى جاسوس
ما تصدقيش

ما تصدقيش
حد كفر يوم ولادك
جاي يكسر يوم عنادك
وانتي عصيه
طاهره وبهيه
متصدقيش
حد جاي
يعمل فيها مولانا الأمين
يملا حواريكي الجميله
غدر وأنين
ما تصدقيش
بعض اولاد الخيانه
يكفروكي .. ويقتلوكي
انت باقيه بأمر ربك
انت للعالم كنانه
انت طول عمرك ديانه
اسألوا الصديق يوسف
إسألوا موسى الكليم
اسألوا العذراء مريم
واسألوا عيسى الكريم
قالوا عنها
انها مصر الأمانه

اسألوا الهادي البشير
اللي قالها واضحة وجليه
لما وصى بيكي خير
ما تصدقيش
انت طاهره طول حياتك
انتي نور الدنيا كله
انتي أزهر
إنتي جيش
انت جوه العين مكانك
انتي ضحكة في كل عين
انتي بسمة الشقيان في شغله
انتي ضحكة العيل وأمله
واي خاين
مهما عاش فيكي سنين
بكره يمشي
زي غيره .. يبقى مفيش
ما تصدقيش

[عايد راشد احمد]

السلام عليكم ورحمة الله

شاعرنا واستاذنا الكريم

هذه هي مصر عبر التاريخ كالبحر امواجها ترمي بكل القاذورات من باطنها

حاول العملاء واذناب الغرب اي ان كانت توجهاتهم ان يهدموا هذه البلد الابية لكنها انتصرت عليهم

مصر الاسلام ومصر الايمان لايمكن لتجار الدين ان يهزوها

دام القلم وصاحبه في نصرة حق مصر

تقبل مروري وتحيتي

[ناديه محمد الجابي]

جميلة ، صادقة، سلسة المفردة ـ يواكبها جرس جميل
كلمات كالدرر تتلألأ بحب مصر يتغلغل بريقها ليصيب شغاف القلب
دمت بخير ـ ودامت مصر بكل عز.
:011::005::hat:

[أسيل أحمد]

مصر حكمة الدنيا فيها ـ ربي هو حاميها
مصر حضارة وتاريخ ـ شعب وناس طيبين
مصر شهامة رجال ـ وشعب مؤمن جسور.
قصيدة جميلة في حب مصر..
دمت بخير ودامت مصر
تحياتي.