آمال محمود كحيل
09-02-2015, 12:18 AM
في انتظار المعجزة
بقلم
آمال محمود كحيل
مرت سنة وكَـرِّت سنين
وانا في انتظار المعجزة
تنضح فرح ..
يمحي الظنون
يهطل على القلب الحزين
ويهدهد الروح بالأمل
ويهدي خوفي
م اللي جاي ومحتمـل
ويجســد الأحـلام ما بين
أحرف يا ريت
وعسى ولعــل
مرت وانا وظلي الكئيب
على كل سـكة ومفترق
بيضمنا نفس الوجع
على عمر من
إيدنــا اتسرق
وانا جوه أحضـان القلق
بنزف دموع غربة وندم
وباحايل الأحزان تغيب
عن دنيتي
من غير رجوع
لكن مفيش غير الألم
غير السراب
غير القنــوط
ودموع بترسم في العـيون
دايرة عذاب وخطوط سأم
والحسرة سوط
والكون ضبـاب
محاوطني من كل اتجــاه
واليأس بات
ينسج خيــوط العنكبـوت
جـوه الضلـوع المجهـدة
من رعشـة الآه والأنيـن
من نبض قلبي المستكين
مليـون طريق
ومفيش بريق
والضلمة زي الأخطبوط
بدد خــيوط ضي النهـار
مليـــون سؤال
ومفيش جواب
ممكن يحل المعضـلة
جوايا مات م الانتظار
ملِّت شفايفي الأسئلة
ملِّيت لجـوئي للفـرار
من حزني بالصبر الجميل
لساني ليه متأمِّلة ؟
لحظة فرح ،
سكة وصول
لساني ليه متعكزة
على حلم عاش
عمره بتـول
ولإمتى هافضل في الحياة
أستنى تحصل معجــزة ؟!
ولإمتى هافضل في الحياة
أستنى تحصل
معجـــــزة ؟!
بقلم
آمال محمود كحيل
مرت سنة وكَـرِّت سنين
وانا في انتظار المعجزة
تنضح فرح ..
يمحي الظنون
يهطل على القلب الحزين
ويهدهد الروح بالأمل
ويهدي خوفي
م اللي جاي ومحتمـل
ويجســد الأحـلام ما بين
أحرف يا ريت
وعسى ولعــل
مرت وانا وظلي الكئيب
على كل سـكة ومفترق
بيضمنا نفس الوجع
على عمر من
إيدنــا اتسرق
وانا جوه أحضـان القلق
بنزف دموع غربة وندم
وباحايل الأحزان تغيب
عن دنيتي
من غير رجوع
لكن مفيش غير الألم
غير السراب
غير القنــوط
ودموع بترسم في العـيون
دايرة عذاب وخطوط سأم
والحسرة سوط
والكون ضبـاب
محاوطني من كل اتجــاه
واليأس بات
ينسج خيــوط العنكبـوت
جـوه الضلـوع المجهـدة
من رعشـة الآه والأنيـن
من نبض قلبي المستكين
مليـون طريق
ومفيش بريق
والضلمة زي الأخطبوط
بدد خــيوط ضي النهـار
مليـــون سؤال
ومفيش جواب
ممكن يحل المعضـلة
جوايا مات م الانتظار
ملِّت شفايفي الأسئلة
ملِّيت لجـوئي للفـرار
من حزني بالصبر الجميل
لساني ليه متأمِّلة ؟
لحظة فرح ،
سكة وصول
لساني ليه متعكزة
على حلم عاش
عمره بتـول
ولإمتى هافضل في الحياة
أستنى تحصل معجــزة ؟!
ولإمتى هافضل في الحياة
أستنى تحصل
معجـــــزة ؟!