عين العقل

[فريد عبدالعزيز]

كان عادي بنحكي و نتكلم
و الضحكة تجيب للتحرير
قلبت كده فجاءة و قالت لي:
من فضلك تصبح على خير
أتاريني أنا بصفو النية
و انا عادي بدردش وياها
سألتني عن "معجبة بيا"
هي من الأول كارهاها
ف جاوبت و من قبل ما اجاوب
ناويالي ... و يا شر اشتر
تلكيكة جديدة عشان تزعل
و اتضايق و ابعد مضطر
و لقيتني كل ما اهديها
تغلط و تزيد في كلام جارح
إسألها : غلطت ف إيه طيب ?
تحلف إنها مش ح تسامح !

ف سكت سمعت لصوت تكة
و اتقفلت في مشاعري السكة
!!
فكرت شوية مع نفسي
قبل اما اتسرع ف قراري
بقى دي الإنسانة اللي تعمر
أو هنجح بيها ف مشواري ?
نكدية , خفيفة , و مش راسية
تعبتني ... و ياما اتحملت
و الآخر برضه ما فيش فايدة
كان ليه م الأول كملت !!
ملحوقة خلاص انا مش راجع
لرخيصة بتستنزف وقتي
الحب اللي يجيك بمواجع
أحسن لك تنساه دلوقتي
خليها تعيش مع أشكالها
مش ناقصة تزيد حملك تقل
إنساها و فارق تفاصيلها
دا اللازم و دا عين العقل

[عبد السلام دغمش]

هههه..
طريفة و جميلة أستاذ فريد ..
" والباب اللي ييجيك منه الريح ..سدّه واستريح"
تحياتي .

[فريد عبدالعزيز]

هههه..
طريفة و جميلة أستاذ فريد ..
" والباب اللي ييجيك منه الريح ..سدّه واستريح"
تحياتي .
تسلم يا صديقي
ألقف :0014:

[ناديه محمد الجابي]

والله .. عين العقل
نصف الطريق ولا كمالها ـ وابعد عن الشر وغني له.
ظريف طريف جميل حرفك بألق صوره، وعمق مضامينه
دمت بروعتك.
:hat:D::v1::hat: