خليوا المجذوب ساكت بمرة بقلمي

[بوشعيب محمد]

ه انا صابر او امكمد همي المول القدرة
ماقاد على صداع حتى نوزن معاكم الهضرة
اكلامي لازم يكون امرزن تاع ناس الحضرة
الى ما خممت مزيان غادي انطيح ف الحفرة
اشحال من كلمة اتكتبت على مولاها ف النشرة
قيل بات ما اصبح علقوه او حزموه ف الشجرة
اكلامي اموجه لموالين لعقول الهاضمين الفكرة
هذا ازمان شوف واسمع ودير على فمك الحجرة
الى درتي ايمان ويسار ناس عايشين ف القهرة
فوقهم اغنيا ابتاع مال الشعب لاعبين العشرة
يتنزهوا في اليخوت والفيلات جمعوها بالشفرة
هاعلاش قلت خليوا المجذوب ناعس ف الكمرة
يندب ويجذب بوحدو ويفكر ف هاذ الحكرة
ناس عايشة اوناس مكبوبة على وجهها الحسرة

[فاتن دراوشة]

رغم أنّ اللهجة استعصت عليّ بعض الشّيء لكن ما استطعت فهمه كان عميقا وراقيا

دام حرفك يفيض روعة أخي

[بوشعيب محمد]

سعييييييد وأسعدك الله وبارك لك هذا العيييد السعييييد
أختي المشرفة الفاضلة
هذه قطافة زهور من زجل مغربي بقلمي ويبقى محتويا على أمثال وحكم ولكن من إنشائي بأسلوبي
أتمنى أن أكون تحت إمرتك لشرح وتوضيح اللهجة المغربية الزجلية مثل الشعر النبطي تماما كل بلهجته المحلية العربية
سعدت بدخولك وفي الخدمة