بوح اللقاء

[رائد مصطفى]

اخترتي ليه
حبل الفراق يرسم نهاية قصتك
وانتى اللى كنتي بتحلمي
يجمعنا بس ف يوم مكان
ومكان م كنا بنلتقى
لسه العصافير اللي كانت تعرفك
بتغني فيه
والسنفونية الراقصه يا بنت عمران البتول
من غير ما اقول
عرفاني طبعا من زمان
حبك معشش فى الضلوع
وإن شا الله اجوع
انا بردو لسه بعشقك عشق الزمان
اخترتي ليه يحكم ما بينا
يا ستنا هذا الهوان
وما بين حيطان الطين وعتمة سكتك
لامح أمل
ممدود على شط الحقيقة المعجزة
والمعجزة
ان العصاية ف يد موسى أكلت اكاذيب الكلام
وإن السلام على كف عيسى
كان يدوب " الله سلام "
يا ام موسى الحانية
اغنية في عرف الهوى
وصداها معروف الانين
وسنين بتحمل همها
للطفل ترمي ف قلب يم
بذمه دا مش يبقى هم
لكن ربك قدرته
بدل عن الفرقه اللقا
وخلى موسى الطفل شعله
بين ضياء الانبيا
يا أم موسى صدقى
بكره هتجمعنا السما
....:0014::0014:

[ناديه محمد الجابي]

رشيقة الجملة ـ جميلة الجرس ـ عذبة ـ رقيقة
تطرب لها الآذان
شكرا لرقة حرفك وجمال عزفك.
:001::001:

[رائد مصطفى]

دام ودك ومرورك
شرفني جدا

[محسن البدراوى]

رائعة واكثر شاعرنا الجميل رائد
تحيتى وبالتوفيق