الأمثـال الفلسطينيــة هنـــا

[نسرين]

ولأن لفلسطين خصوصية
ولأن لفلسطين الحبيبة اهمية
ولأن الصهيونيين يحاولون طمس الهوية الفلسطينية
والتراث الفلسطيني
هنا سنذكر الامثال الفلسطينية التي ورثناها
عن أجدادنا
أتمنى من الجميع مشاركتنا في كتابة الامثال الفلسطينية الرائعة
إما بوضع المثل منفردا
أو إن كان باستطاعتنا أن نضع شرح للمثل


وسأبــــــــــــدأ:

المثل: صاحب أبوي معزوز

أي: صاحب أبي معزّز مكرّم . ويقولون أيضاً: صاحب أبوي، أبوي. يُضرب للحفاظ على أواصر الصحبة والصداقة.

----

المثل: صابنا فيه مثل اللي بالع الموس

قالوا: (مثل بالع الموس)

يُضرب لمن لا يستطيع أن يصرح بما يريد .. أو بمن سيحيق به الضرر إن صرح، وإن لم يصرح، فتراه في حالة تردد وحيرة.
----

مثل: الصابرين على خير

إن الله مع الصابرين إذا صبروا يُضرب لامتداح موقف الصابرين، ولتبشيرهم بعاقبة صبرهم.

-----
،، إبطي و لا تخطي

،، ابعت العاقل ولا توصي

،، إبليس بيعرف ربه لكن بيتخابث

،، ابنك على ما ربتيه و جوزيك على ما عودتيه

،، أبو بالين كذاب

،، اتغدي وتمدي وتعشي و تمشى

،، اتقن شغلتك و لو كانت سخرة

،، اجر لورا و اجر لقدام

،، الأخ اللي ما بينفع أخو متل قلتو





وما زال هناك المزيد من الامثلة الرائعة

[ابن فلسطين]

يلا يا شباب بدنا همة

أمثال فلسطينية 100%





"مر عن عدوك جعان ولا تمر عنه عريان" ، يدعو المثل إلى التمسك بحسن المظهر .

* "ما يشبع طير ووراه فراخ" ، يشير إلى أن صاحب الأبناء لا يرتاح .

* "لولاك يا لسان ما عثرت يا قدم" ، أي أن اللسان يسبب كثيرا من المشاكل .

* "الفاضي يعمل قاضي" ، أي ذم من لا عمل له .

* "طب الجرة على تمها بتطلع البنت لأمها" ، أي البنت تتخلق بأخلاق أمها .

* "الواحد ما يشبع إلا من قدرته" ، يدل على القناعة .

* "أجو يخذوا الخيل قام الفار مد إيده" ، يقال لمن يتدخل في أمر لا يعنيه .

* "أهل السماح ملاح" ، يشير إلى التسامح .

* "اتعب أقدامك ولا تتعب لسانك" ، أي اعمل حاجتك بنفسك .

* "عقد فراشك مد اجريك" ، تدل على عدم الإسراف .

* "اللي يدلل على بضاعته بتبور" ، يقال لمن يعرض خدمته على غيره ولا تقبل .

* من ينوي الشر لغيره يقع فيه .

* الصوم بلا صلاة كالراعي بلا عصاه .

*الشجرة اللي مش مثمرة قطعها حلال .

[روح]

ما أجملكم وما أسعدني بالمشاركة وبعضا من الأمثال التي تحضرني الآن:

ما بتعرف خيري إلا لما تجرب غيري


كرمال عين تكرم مرج عيون


يسوي السوايا ويلبد بالزوايا


يا باحش جورة السوء يا واقع فيها


فلنتواصل دائماّ

[نسرين]

خيي ابن فلسطين
تسلم والله على مشاركتك ونشاطك الملحوظ
وأسأل الله ان لا يحرمنا منك في دوحات الواحة عامة ودوحة فلسطين خاصة

بكل صراح انت :v1:

----

الغالية روح الواحة
أسعدتيني كثيرا بمشاركتك
تقبلي هذه الورده مني :0014:

ومزيدا من التواصل من اجل قضيتنا الفلسطينية

:v1:

نسرينــــــــــه

[د. سمير العمري]

جميل هذا الجهد وممتع أن نستعيد الذاكرة بأمثالنا الفلسطينية الرائعة والمعبرة .....

أذكر مثلاً ما فتئت أمي رحمها الله تقوله لي حتى ما يغيب عن بالي ..

"أريد من بكاني وبكي عليّ ولا أريد من ضحكني وضحك عليّ"

وهذا مثل يعجبني

"بدك عنب وللا بدك تخانق الناطور"

تحياتي وتقديري

[ابن فلسطين]

شكرا لك استاذ سمير

هذه بعض امثالنا العزيزة



إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

آخر الزمر طوط

آخر الدوا الكي

إبنه على كتفه و بيفتش عليه

إبنك على ما ربيتيه و جوزك على ما عودتيه

[ابن فلسطين]

"بتقول له ثور بقول احلبوه"

"بدل الرز و الباذنجان إكسي حالك يا عريان"

"بده عرس يرقص فيه"

"بدي ياه و تفوه عليه"

"بزمان الخير ما غنينا يا ليل"

"بطيختين بإيد مابينحملوش"

"بعد ما شاب ودوه ع الكتاب"

"البيت ضيق والحمار رفاص"

بيتعلم البيطرة بحمير النوَر"

"بيحرق حارة ليولع سيجارة"

"بيرقص بلا دف"

"بيركض بيركض والعشا خبيزة"

بيفصل للبرغوت قميص"

بيقتل القتيل وبيمشي بجنازته"

بيلهي الحمار عن عليقه

بيمسح جوخ

بيموت الزمار و اصبعه بيلعب"




ذكوني بالخبيزة :010::010:

[ابن فلسطين]

"جبنا الأقرع ليونسنا كشف طقيته و خوفنا"

"خليها بالقلب تجرح و لا بين الناس تفضح"


"رافق المسعد تسعد

رزق الهبل ع المجانين "

رجعت حليمه لعادتها القديمه"

ركوب و ركبتك و كمان تهز رجليك"


زاد الطين بلة"
لشهر اللي ما إلكش معاش فيه ليش تعد أيامه"

يا أرض اشتدي ما عليكي قدي"
"
ها الكعك مش من هالعجين"

الهريبه تلتين المراجل"

هين قرشك و لا تهين نفسك"


معك قرش بتسوى قرش"

المكتوب مبين من عنوانه"

[د. سمير العمري]

D:D:

لله درك يابن فلسطين ...

كم أمتعتني وأسعدتني وأنا أشتم عبق الوطن وحكمة الأجداد وخفة ظل أمثالنا المعبرة ...

وجدت هذا الفلاش بأمثال فلسطينية لأهل حمامة

WIDTH=400 HEIGHT=350

:v1:

أشكر لك وواصل :0014:

[نسرين]

ما أروعكم يا ابناء بلدي ما أروعكم

وهذا مثل يعجبني كثيرا وهو

الكبير اللي بيدلع متل الباب المخلع

[فلسطينية67]

القيم الاسلامية

ذنبك على جنبك
يا غافل اللك الله
الدنيا بتغنيش عن الآخرة
الشكوى لغير الله مذلة
اللي ما لو أب الو رب
قلب المؤمن دليله
كل عقدة والها عند الكريم حّلال
اللي بيحبه ربه ... بيحبب فيه خلقه
أنت تريد وأنا أريد والله يفعل ما يريد
العبد في التفكير والرب في التدبير

[فلسطينية67]

القضاء و القدر
الخيرة فيما اختاره الله
الحذر لا يمنع القدر
بيرمي حاله على الحيطان وبيقول يا قضا الرحمن
اللي على الجبين لازم تشوفه العين





القسمة و النصيب

بتكون في تمك وبتقسم لغيرك
كل شيء قسمة ونصيب
ربك رب العطا ، يعطي البرد على قد الغطا
مش لمين سمى ... لمين قسم
تيجي على أهون سبايب
استعنى ع الشقا بالله
اسعى يا عبدي وانا بسعى معاك
كلمة يا ريت عمرها ما عمرت بيت
اللي الك اللك واللي مش الك محرم عليك
كل شيء بالأمل ... الا الرزق بالعمل
اللي ما يطعمك ويسقيك ... لا يموتك ولا يحييك
لو تجري جري الوحوش ، غير رزقك ما بتحوش

[فلسطينية67]

الأرقام - أيام الأسبوع

خمسة وخميسة
السبعة مسبوعة
عمل السبعة وذمتها
خمسة في عين الشيطان
سبع صنايع والبخت ضايع
النبي وصى على سابع جار
عيلة السبعة ما الهاش شبعة
بده من الدواق سبعه واق
ابن الأربعين من الكاملين
يا ناصر الستة على الستين
الأربعينية يا شمس تحرق يا مطر تغرق
فتش بيتك سبع مرات قبل ما تخون جارك
بنت الأربعين ذات بنات وبنين
بعد الأربعين يا رب تعين
من عاشر القوم أربعين يوم صار منهم
احذر النساء قبل العشرين واتركهم بعد الأربعين
عيار الشبعان أربعين لقمة
المرأة بتحب يوم وبتكره أربعين يوم
الهنا لسنه والنفسه للأربعين
يخلق من الشبه أربعين

يوم الاثنين بيزيد مرتين
الأحد بيحد الشر
يوم الخميس فصل لحبيبك قميص
يوم الثلاثا يا حرق يا وراته
ان كان عليك الفين لا تغسل يوم الاثنين
الجمعه جامعه والدواعي فيها سامعة

[فلسطينية67]

الزمن

الدنيا دولاب
الزمن غدار
الله يحيينا ويورينا
الدنيا فانية
الي فات مات
يوم عسل وبصل
كل شيء بأوانه
من ايده لتمه
كل وقت واعطيه وقته
المتغطي بالزمن عريان
التدبير نص المعيشة
اللي بتزرعه بتلاقيه
بعد ما شاب ودوه الكتاب
ربنا بيقطعش رزق حد
عشيني اليوم وموتني بكره
اللي من نصيبك بيصيبك
قرش الصبا وابن الصبا بتعوضش
فش اشي بيستحي من أوانه
بكره بتنشف البركة وبتبين الضفادع
القرش الأبيض بينفع في اليوم الأسود
الزمان والنسوان ما الهم أمان
انقلب الزمان وأصبح القمح زوان
يوم اللك ويوم عليك دير بالك فتح عينيك

[نسرين]

رائعة كعادتك يا فلسطينية
شكرا غاليه على هذا الجهد

ساحاول تذكر امثال اخرى فلسطينية وادراجها

نسرينه

[فلسطينية67]

هلا نسرينة

نكمل

مقاييس الجمال

بتقوم للقمر قوم تاقعد مكانك
خود المليح واستريح
تمها خاتم سليمان
سنانها زي اللولو
زينة الزين، الحاجب والعين
عنقها زي عنق الغزال
خدها بيضة ولو انها مجنونة!
سمره ونغشه، ولا بيضة ودفشة
زينة الزين الحاجب والعين
اللي بياضه ما هو من ربه ، يا رب تعب قلبه
لا انت أحمر مني خد، ولا أحسن مني جد
من ملك عينه وسنه ملك الحسن كله
الطويلة طالت التينة والقصيرة ظلت حزينة
خود الحلو واقعد قباله ، وان جعت شاهد جماله
البشع بشع لو تغسل كل يوم، والحلو حلو لو فاق من النوم
ان كانت يبضة من بختك، وان كانت سمرة زي امك واختك

[فلسطينية67]

العز للرز والبرغل شنق حاله
خزين الصيف بينفع في الشتا
خبز وزيتون أحسن ما يكون
خبز وماء أكل العلماء
كول زيت وانطح الحيط
عمارة البيت خبز وزيت
الله يلعن الدرة اللي ماالهاش عرق
الزيت مسامير العصب
كول فول والحق القفول
كول العدس تفوت الفرس
ان كان الخبز في البيت فرحت انا وغنيت
الفشر والنشر والعشا خبيزة
رز ولبن عافية ع البدن
الدهن في العتاقي
لا توري جوزك طبيخ الخضر ولا لحم البقر
ادلقي يا ملوخية في الزبادي العوج
في آب كول العنب ولا تهاب
لحم الهرش ما بيوسى قرش
فتح عينك تاكل ملبن
زي الملبن
كول أول العنب وآخر التين
ضرب الحبيب زي أكل الزبيب
الرمان بيملى القلب ايمان
شتي ع البرتقال وصيف ع العنب
الضيف المشوم بعد الأكل بيقوم
طول ما الكيس مليان تكتر الخلان
اللي بيستكتر غموسه بياكل حاف
يوم عسل ويوم بصل
الرايب للحبايب، والزبدة للنسايب، والميص للمتاعيس
المغرفة عايرت الدست ، قال كلنا ولاد طبيخ
أيام عنبك وتينك تكتر محبينك، وأيام قشله ونشله ما حدا يعينك