حلم تايه

[وفاء محمود كحيل]

حلم تايه
حاسة اني وغصب عني
تايهة مني حاجات كتير
حاسة اني اتسرقت مني
حلمي أصبح أعمى وضرير
تعبت أسأل خوفي ليه
وليه تاه مني المسير
والخطوة ليه بتجري مني
والفرح ليه أصبح عسير
عمري أصبح كأنه حلم
وكأني عشت وهمي الكبير
واللي عايشاه النهار دا ليه
مهوش هين ولا يسير
هيا كدبة ولا إيه
ولا المطاف لحد فين
سؤال سألته وتاه الجواب
وكأنه عمري اللي بكيت عليه
بقلمي / وفاء محمود كحيل
الجمعة ٣ يناير ٢٠٢٠

[ناديه محمد الجابي]

قصيدة جميلة، عذبة الشعر، راقية المشاعر، متألقة
حس رقيق، وأداء أنيق
سلمت وسلم حرفك الماتع
وأهلا بك معنا ـ وسلامنا إلى الأخت آمال
ولكما تحياتي
:v1::nj::0014:

[وفاء محمود كحيل]

أختي الفاضلة أ. نادية
شكراً لمرورك الكريم وسعدت كوني هنا في واحة الشعر والأدب
بارك الله فيكِ وخالص التقدير لحضورك المتميز

[أسيل أحمد]

قصيدة جميلة المعنى والمبنى والإيقاع
دام ألق حرفك.
ولك تحياتي وتقديري.

[وفاء محمود كحيل]

قصيدة جميلة المعنى والمبنى والإيقاع
دام ألق حرفك.
ولك تحياتي وتقديري.

الأخت الفاضلة أ. أسيل
بورك مرورك الكريم
تقبلي خالص الشكر والود