عايزه ايه يا حلوه

[سيد يوسف مرسي]

يا حلوه قولي
عايزه ايه يا حلوه قولي
قرط مدهب ولا لولي
ولا جزمه بكعب عالي
جلد تعلب مش بغولي
تتك يها في بيت نفوخي
ولا بالطو ليه رفايف
ريش نعام أو ريش لرومي
ولا عايزه كيس ملبس
ولا شنطه تقول سبوني
ولا أحمر شفه قاني
على الشفايف مش لموني
ولا عايزه قلب خالي
ياأم عين أسود كحولي
لوجيتي بدك في التسالي
كيلو لب أو فول سوداني
لو عايزه تبقي بنت بيضه
كالحليب أو كالشفوني
كيس دقيق من الطحونه
ترشي بيه فوق خدودك
تبقي بيضة ناعمه كالصابوني
بدي أسمع كلمه منك
يا لا قولي إيه تعوزي
ولا أجبلك كيس لبان
للمحبه والوئام
ولا اجبلك حنه هندي
للشعور قبل المنام
ولا اجبلك بن صافي
للدماغ يبقى تمام
عايزه ايه يا حلوه قولي
اي حاجه من غير سؤال
بالإشاره نقوم نلبي
بالدينار أو بالريال
كل حاجة تحت أمرك
مهما قال الخالي حال
بس أوعي جيبي سيرة
أي حاجه للبرام
رز لحمه عيش نخال
بكرة تحلى وتبقى سكر
والعيشه تصفى بالوئام
أوعي تنسي الحله فاضيه
ناس كتير قالوا زمان

بقلم : سيد يوسف مرسي

[ناديه محمد الجابي]

غزلية رقيقة ـ أبياتها سلسة خفيفة
رسمت لوحة شعرية رائعة ومعبرة زاهية بحروفها ، أنيقة بمعانيها
رقيقة ، جميلة الحس والجرس.
ولك تحياتي.
:v1::0014:

[أسيل أحمد]

خفيفة ، رشيقة ، جميلة المعاني
حرف جميل بعذوبة موسيقاه وسلاسة تعبيره.
دام ألقك.

[سيد يوسف مرسي]

غزلية رقيقة ـ أبياتها سلسة خفيفة
رسمت لوحة شعرية رائعة ومعبرة زاهية بحروفها ، أنيقة بمعانيها
رقيقة ، جميلة الحس والجرس.
ولك تحياتي.
:v1::0014:


بارك الله فيكم وجزيتم خير الجزاء شكراً من القلب لسموكم أديبتنا

[سيد يوسف مرسي]

خفيفة ، رشيقة ، جميلة المعاني
حرف جميل بعذوبة موسيقاه وسلاسة تعبيره.
دام ألقك.
ممنون لكم وشاكر لكم حضوركم دمتم منارا للأدب