بتيجي عليّا
بتيجي عليا ..أنا أقول لعنيّا
إنك بتحب حقيقي
و تقسى عليا .. ليه يا حبيبي
ده حبك هو نصيبي
ده أنت .. غالي عليا أوي
ليه على قلبي .. بتيجي قوي
بُعدَك عني حبيبي والله .. بيعذّبني أوي
تبعد ليه وانا بستناك
هو دا ذنبي إن أنا بهواك
عايز تمشي ليه وتسبني
ارحم قلبي .. وخدني معاك
شوف اللهفة في عيني تقول
عايز أكون جنبك علطول
اسمع حتى .. قلبي يقولك
مين غيرك بهواه مشغول
متضيّعش دقيقة .. تبقا معايا أنا فيها
متضيّعش سنين في حياتنا .. نندم بُكره عليها
متخليش في الدنيا ديه حاجه .. تبعد قلبك عني
متقوليش يا حبيبي في حاجه .. ممكن تاخدك مني
ده أنت النور لعنيّا .. وأنت الدفا لإيديا
و أنت الحلم اللي اتمنيته
لكل سنيني الجاية
ده أنت .. غالي عليا أوي
ليه على قلبي .. بتيجي قوي
مين على قلبك .. غالي يا قلبي
ولا قلبك قِوِي
أحمد فؤاد