يا حروفي لا تدبلى ولا تنكسري
مسيرك فوق السطور ترتلي أسمى
ومسيرك بعد البكا ترجعي تبتسمي
أوعى فيوم توئعى
و اياكى تتوجعى
ولا حتى تتلوعى
وان باعدو بينك وبينى بحور
وان رجعوني فيوم مقهور
وان بعتروكى ع السطور
اتلملمى تانى
وارجعي واتجمعى
واسكني ف قلمى ودوايتي
وابقي جوه دربي غايتي
انتى شمسى تشرقى ف بدايتى
وانتى شمسى تغربى ف نهايتى
خليكى طاقة نور
بستان وكله زهور
وانقشي فوق السطور احساسى
وبلغيه لا أحبتي وناسي
وفكري إلى كان ناسي
ودوري جوه الجمل يا حروفي
وبددي قهرتى وخوفي
وطوفي زى ماتطوفى
وأتبغددى فوق سطري وعلى مدى شوفي
**** **** ****
ياحروف كلمتى المشتاقة
يامشقشقة فوق السطور
ان يوم ظالمنى الشقاقة
او بيتونى مقهور
اوعيكى تنسى البراءة
ولا تقولى زور
طول عمري أحب الحبابة (الأحبة)
طول عمري كنت جسور
عشق حلاوة الحرف
تجرفنى جرف الجرف
وعشقي مالهوش صرف
ولا حرفى كان مكسور
بس ان ينادينى حرف الاحبة بالسهام
طعن الخناجر فى الحشا اشد منه الكلام
لكن دوايا فى حرف من احبابى
لو صدو هما... هما بردوه احبابى
**** **** ****