ربما تنزف قلوبنا ألماً عند تذكر من نحب ..
وربما تتراقص طرباً عند ذكرنا لمن غابوا عنّا..
هذه القصيدة أهديها بكل الحب إلى أعز إنسانة لي في الوجود..
إلى روح أمي رحمها الله وأتمنى أن تنال على إعجابكم..
جيت أرتب كلامي أنظمه وأنثـــره وأول القول أبديه بخالص الإحتــرام أدري إني بسلامي جيت متأخــــره لكن العذر منك ثم عليك الســــــلام وأدري إني في شعري للأسف أكســره والقلم بين يدي يتجـه للأمــــــــام حتى طبعي عنيدة وما أطالــع ورا وأرفع الراس دايم ماني مثل النعــــام وكل عشقي القديم يتلاشى أبخـــره لا طرت لي الحبيبة عيني عيت تنـام آه يمه تعالي شعــــري ودي أنثـــره بين كفك وأسولف عن حكايا مــــرام آه يمه أحبك ومنــــك المعـــــذرة تاهت خطـاي حتى تاه مني الكـــــلام آه يمه الليالي ما تساوي شعـــــره يوم غبـتي بلحظة شــاع فيها الظـلام بأحمل الهم يا أمي أصغره وأكبــر ه وأسهر الليــــل كله ليه حتى أنـــام وأوعدك ماأخونك دوم يا مطهـــرة وأهجر القلب عني وكل حكاوي الغــرام جيت بحروف لأمي كلها معطـــرة ضاع عطري وتلاشى مني في الازدحام وأرجع اليوم وحدي والخطى مبعثــرة وكل خطوة في طريقي كنها ألف عام التمس لي صديقي في كلامي المعذرة ولا تزيــــــد الملامــة ماأحــــب الملام وصلاة ربي في كلامي من أوله لأخره على نبينا محمد المصطـــــفى والسلام
مع تحياتي..