يبعت حمى للنايم=وبقانا ماتوا الحبايب

استقبلناهم دون الكل وصرنا إلهن بيت وأهل راح اتكفل طفله وطفل ماتوا أهلن بالعدوان

يمكن أحزاني تهرِّبكن عن موضوعاتي تبعِّدكنْ فيها صورمن الحقيقة بدماتا لازم توصلكنْ ولازم صوت الأمة ينادي ارجعولي حتى جمِّعكنْ ارجعولي طوَّلتوا الغيبة ياوليداتي قلبي معكنْ

خطفوا الأكل خطفوالدفا واتوصلو للعمر قصوه من عرق الزهر من بيض أومن سمـر ماخافوا من الله ما فكَّروا بعـذاب القبـر ونسيوا بأنو حسابهم يوم الحشر والنار لهابي

ياخطيِّتِكْ يابلادنا الخضـرا الظاهرْ طريقا طويلْ هالسَّفرا والسِّلْمْ قالوا إجرو مخْـدَرََّّا وعكازتو محتاجـي لجرابـي

مصاصتك كانت على تمَّكْ لما بْصَاروخنْ موتَّوا أمَّكْ لك روحْ اطلعْ عالسَّما وارتاحْ موتة شهيد ومتتْ شوهمَّاك

ويـن الضميـر الحـي ياابـن النـاس مـا عرفـتْ إنـو أعلـن الإفـلاس؟ مين غيرو..ميـن خدَّرو..مـن صيـرو بال......وَحْل غاطس حتَّى أعلى الراس؟

اهربوا ..اتخبوا عم فزِّعكن عيب عليكن وين نخوتكن ان كنتوا من دين الإسلام أومسيحي.. وين نصرتكن

ماحدا بيسترجي يفوت على هاصَّفحة بيخشى الموت بيقروها لكن بالسِّر عالهدا مابيطلع صوت

وين الشِّعار الشجعان الغلبو عنتر بالميدان خلُّوا الحرف يولِّع نار ببغداد وغزَّة ولبنان

تعب المدى من صوت العصافير المزقزقة بالحزن ألحانا سألت الصدى تخمين بتبكي مين؟ قال لي على الأطفال في قانا