السنة : أولى اغتراب .... حلمى عمر

السنة أولى اغتراب

----------------

الحلم وحش بياكل الخطوة الجريئة

والحب ... مشهد مرتجل

زمن السهر هوه اللى ورانى الحقيقة

وماعدش لازمة للغزل

----------

يامطرودين وسط الفيافى والسراب

سجن المدى مالهش باب

يامبعترين حبة رمال

الدرس جانا م الغراب

والفصل موسم للرحيل

والسنة أولى اغتراب

----------

يا كنا اطفال فى زمن

بنغنى للحلم المباح

ونمرجح الشنط الضفاير

والمرايل والجراح

كان كل يوم يطلع صباح

مين اللى سمم لقمتى

مين اللى كبر ازمتى

زمن السلام ؟؟

يا مين يلام ؟!!

------------

العيال المولودين ضد النظام

والمجموعين فى الفجر بيلاغوا السما

ضد النظام

والقايلين الصح فى بلاد الوجع

ضد الشفا .... لقلب النظام

يامين يلام ؟؟

-----------

والسنة أولى اغتراب

والنظام ضد النظام

وماعدش فايدة مالكلام

يانخلتين طرحوا الوجع

ملعون ياجرح المصطبة

ياغنوتين .. حلم الصبية بالجدع

والليل اذا يصبح قضا

يادى الفضا

---------

يازحمة الغايبين فى طوابير الرحيل

من يومها حلمك مش جميل

من يومها باكية شمعتك

حرقت عيونك دمعتك

لما انطفى فيك الامل

الليل سرق اخطر ورق

فى قضيتك

----------

والسنة أولى اغتراب

السنة أولى محن

سامحينى ياأغلى الصبايا

انا حلم فى الغربة انطحن

والدنيا مقطوعة الايدين

ازاى حتحضن خطوتى

يادنيا ياعامية العنين

انا كنت جاى بمحبتى

----------

السهم نافد فى الجراح

والقلب مصلوب عالمباح

والليل بيحلف مية يمين

بأنه مش طالع صباح

------------

والصبح ييجى ياحبيبتى كل يوم

وانا وانتى كالنار والغيوم

ولا بأقدر أطلع غير دخان

ولا تنزلى الا بقدر دايماً حنون

-------------

والسنة أولى اغتراب

والوقت واقف كالغراب

الوقت طاير كالخفاش

وأنا وانتى كالليل والنعاس

أنا وانتى ومابينا قدر

ولامرة شوفنا الليل ينام

ولانوم بيسكن فى الخطر

----------

ياحبيبتى أنا

كل العيال اتيتموا

كل الهدايا اتقسموا

كل السبايا اتبسموا

وفضلت انا

مازلت بأحلم نفس حلمك بالرجوع

لساّيا طمعان فى الولد

لساّيا واقف رغم بركان الدموع

لساّيا عاشق للبلد

وحشانى يا

صدر الحياة

امى اللى باقية للابد

------------

وأنا لسّه بحلم

حلم الصبايا بالفرس

حلم الغلابة بالسحاب

والحلم وحش بياكل الخطوة الجريئة

والسنة أولى أغتراب
----------

حلمى عمر

لساّيا طمعان فى الولد

لساّيا واقف رغم بركان الدموع

لساّيا عاشق للبلد

وحشانى يا

صدر الحياة

امى اللى باقية للابد

كلمات جميلة ومؤلمة
اتمنى ان يتحقق لك الحلم
بوركت اخي
تقديري
ينابيع السبيعي

لساّيا طمعان فى الولد
لساّيا واقف رغم بركان الدموع
لساّيا عاشق للبلد
وحشانى يا
صدر الحياة
امى اللى باقية للابد
كلمات جميلة ومؤلمة
اتمنى ان يتحقق لك الحلم
بوركت اخي
تقديري
ينابيع السبيعي

اشكرك اختى العزيزة ينابيع على مرورك المشرف لصفحتى المتواضعة
وقد جائت كلماتك رائقة متفجرة بالندى كأسمك العذب .
خالص تقديرى واحترامى
وكل عام وانتم بخير
حلمى عمر

سلام الـلـه عليكم
الاخ الفاضل الشاعر الشعبي حلمي عمر

كنت غريبا عن الشعر الشعبي , ثم قرأت بعض القصائد للاديب الشاعر الدكتور فوزي ابو دنيا , ثم اليوم قرأت لك , يبدو انكم ستجعلوني اخب هذا اللون الادبي الجميل , لمافيه من امكانية على التعبير عن مكنونات التفس وخلجات القلب , والطلاوة والجرس , شكرا لك ايها الشاعر .
واردد من جميل ما قلت , وكل ماقلت كان جميلا :

يا كنا اطفال فى زمن

"بنغنى للحلم المباح

ونمرجح الشنط الضفاير

والمرايل والجراح

كان كل يوم يطلع صباح

مين اللى سمم لقمتى

مين اللى كبر ازمتى

زمن السلام ؟؟

يا مين يلام ؟!!"

تقبل محبتي وتقديري

اخوكم
السمان

وجع الغربة المؤلم وجرحها .. ينزف هنا بكل الأنين
تحية للاخ الفاضل حلمي عمر

ميــــــنا

ألأخ الفاضل / مصفى عمار ..

الغربه ..
هي امنا الغوله
اللي بتاكل حلمنا
اللي بتفتح جرحنا
اللي بتسرق فرحنا
بتاكل تملي بلحمنا
الغربه يا ابني
هيا اللي سرقانا مننا

=====

ما أصعب الغربه حين تقتات على فرحنا ، لا تترك لنا منه شيء .

أسجل إعجابي بنص ينبض بالألم .

تحياتي ....

الاخ العزيز محمد حسن السمان
نحن نشكر القصيدة التى اكسبت شعر العامية واحدا من اهم المتابعين
والمثقفين ونتمنى أن يدوم ابداعنا كى نحافظ على متابعتك لنا .
تحياتى وتقديرى
حلمى عمر

الشاعر الحبيب
اسمحى لى فى جوارك ببعض الكلمات

	الغربة ليه دايما وجع رغم مافيها من متع فى الغربة تقدر كما تريد تقدر تكون لكن بيبقى ف القلوب مكنون حجر على صدرك بيكتم ف النفس بتبقى طير وطاير لكن مشاعرك فى قفص كل مكان جواك جميل فلحظة تلقاه انحبس لو بس تسمع العيون الغربة ف اطراف الكلام بتحن فيك كل الالام ينهز فيك حجر العيون والدمع يسهر لم ينام