بسم الله
وعلى بركه الله
افتتح قهوة نادى العرب للشعراء والزجلين العرب
لمن يريد ان يجلس ويشرب ما يريد
والثمن طرحكم الجميل من الكلمات التى تحكى وضعنا العربى - حلمنا العربى - جرحنا العربى - طموحنا العربى وكل مايخص عالمنا العربى
شرفتمونا والمشروب الاول مجانى
ههههههههههههههههههههههههه ههههههههههههههه
لنبدا
ياعراق..
فاتوكى الصحبة والخلان
وانفض سامر لياليكى
وحبايبك هاجرو منيكى
وفاتوا الذكرى والإطلال
ولا عاد يسكن حواريكى
غير الغربان
ولاعدش فية حواليكى
غير الإحزان
مابين غريب بيحتلك
وبين ولد مهوش منك
سكت عنك
وسابك تشربي وحدك
كاسات مرك
تعانى الوحدة والحرمان
ماليتي دجلة والفرات دموع أحزان
**** **** **** ****
هارون العاشق الولهان
على بابك واقف حيران
وخداه التوهة والنسيان
لاهو صاحى ولانعسان
لاهو شجيع ولاهو جبان
ولاقادر يمد أيديه يطول أيدك
ولا عارف يفك قيوده ويجيلك
مالية العجز والإحزان
ياشوم ميله ليالكى
ياشوم الدمعه فى عنيكى
ياشوم قهرك
ياشوم سهرك
وانتى وحدك بتستنى
ضمير إنسان
*** *** *** ***