ليه ياقلمي

ليه ياقلمي بطلت تكتب
وان كتبت اصبحت تكدب
ولو كدبت برضه بتوجع
وان وجعت مقدرشي اشطب
*******************
ليه ياقلمي حبرك بهتان
ساكت في الحق يكتب بهتان
كلامك مزوّق كتير بيخدع
لكن حروفه طمسها الزمان
*********************
فاكر ان خطك بيهزم
لا ده حتي مش بيألم
وما في عقل له بيخضع
لأن زيفك مش بيوهم
********************
اسمحلي اسأل ديّتك ايه
لجل ترحمني م اللي انا فيه
ولا حبرك مش بيشبع؟
ومكفكشي اللي وصلت ليه
*******************
اديك بتخسر مش بتكسب
وغلطت لما فضلت تحسب
ان كل الناس ليك هاتسمع
وادي الكل منك بيهرب
*********************
فوق لنفسك وفوّق صاحبك
قبل ما زيف الدنيا ياخدك
اشطب كلامك وللصح ارجع
يمكن ساعتها الناس تحبك
******************

	الشاعر الجميل / معتز الشربيني { ابني حبيبي } أهلاً بك في الواحة وأعانق حرفك البهي بهذه الأبيات وساعات بنسي الألم واكتب وأنا فرحان يرقص ف أيدي القلم يميل ع الورق نشوان يكتب أغاني للوطن والحب والعاشقين وينط جوه في قلبي يشطب علي الأحزان

استاذي الكبير والقدير

لا استطيع ان اصف لك سعادتي بمشاركتك لي
سأحفرها في ذاكرتي
ولن انساها
دمت رائعا
وطابت يداك

التناول فى صورة رباعيات امر جميل
ويجب الحذر فيه حتى لايهرب الموضوع
موضوع جميل سلم قلمك وابدعت فى التناول
تحياتى ومحبتى

اشكرك استاذي الكبير د. ابو دنيا
ونصيحتك لا تفارق ذهني
واتمني ان اكون عند حسن ظنك