انا بينى وبينك سلك شايك
بتمدى ايديكى بكبايه
ولاقادر اشرب شايك
متحلى بطعم المر
وايام لابتدى ولابتسر
بينى وبينك وبين الايام
.........احزان.....
وكلام م الصعب ابو دم تقيل
واهات.....وعذاب..... وانين
وسنين شوك
زى السلك الشايك بينا
حالفه بعمرها ماتطمنا
على طول صوابيعها ف عينا
وتدوس على احلا مابينا
وادينا بقهر الحال راضين
على نفس الشوك ف السكة
ادينا ماشيين
وياريت عاجبين
واما يدسنى الحزن
ويشدنى يرمينى
على سنة شوك السلك الشايك
بينك ومابينى
لابتعرفى تمسكى ايدى
ولا توقفى نزف الدم النازف من شراينى
ولا مرة قدرتى تضمينى
وبيبكى القلب المكسور
احزانى وصبر حنينى
ولا عمر النظرة تجيب قدام
مكسور الضى ف عينا الام
وانا نفسى ف حضنك انام
............اشبع احلام
انا حضنى رسمته يادوب على قدك
بس اعمل اية للسلك الحادد حدك
وحاولت اَلِف كتير حواليه
كان يطوينى
وكات تدهسنى كمان رجليه
ماقدرتش مرة عليه
وانا هعمل ايه وانا عاجز
وانا حاجز
اول تذكرة للموت
وهسافر
وهفوت الذكرى فعينك قمرايه
لو تحلى ف عينك ابقى افتكرينى
وان جالك فارس غيرى
وقدر يرضيكى وترضيه
وان كان نفسك فيه
وان حنت فيكى عواطفك ليه
ضميه
قبل السلك مايسبق حلمك
يقضى عليه