عشقاني يا عم 00الإهداء إلي كل أحباب مصر

عشقاني يا عم
إترص إترص
يا ورق الخسْ
يا بو ضحكة نغم وحكاوي
من قبل العصر
نقعد نترصْ
صعيدي با بوي وبحراواى
صرِّين اشواقنا
في مناديل
نشكي ف مواويل
عن حال الغربة
وأحوالنا
ونداري دموعنا
في نن العين
دا الصبر طبيبنا
اللي بداوي
جراح ف الغربة
تهدّ الحيل
نرتاح مع كلمة
في غناوي
أو نغمة ناي
شجي وحزين
****
مسيرنا ف يوم
نرجع لك تاني
نشاور للشمس
قبل ما تميل
وتدوب نشوانة
في حضن الليل
تبعت نجوم
السما مراسيل
تقول للحلوة علي ميعادي
*****
إترص إترص
يا ورق الخسْ
يا بو قلب عاشق ومداري
أنا قلبي ببصْ
علي بنت ف خصْ
واقفة قصادهم وقصادي
عُشاقها كتير
صعلوك وأمير
ف عنيها يا ما قالوا غناوي
*****
غمزتي برمش
عصفوري في العشْ
زقزق وغني ألحاني
أتاريها من أمسْ
غوياني يا عمْ
وأنا برضه كمان
كمان زيِّها غاوي
*****
ف عزّ الليل
ألقاها بتدور
في فلك النور
وأنا المسحور
عاشق بجنون
النجمة الحلوة
بنت يماني
اسرح ف الكون
منا بها مفتون
ألقاني بتدور
في بحور وبحور
ألف وأدور
وأرجع تاني
*****
تظهر وتميل
مرة ف الحول
وتسيب للشوق
فيضان مواويل
يروي ملهوف قلبه شراقي

	**** "مسيرنا ف يوم نرجع لك تاني نشاور للشمس قبل ما تميل وتدوب نشوانة في حضن الليل تبعت نجوم السما مراسيل تقول للحلوة علي ميعادي " ***** صاحب القلب الكبير الأستاذ / شربينى سعدت لعناقى الأول لنصك الجميل كقلبك الأجمل

الكلمات طلبها الملحن الاستاذ الاستاذ فايد عبد العزيز لتلحينها فى اللقاء الاول لاعضاء الملتقى بمصر

انت شاعر معجون بكلام الفلاحين الطيبين
محبتى لك

أخي الشربيني
عشق مصر داء،
وما أجمله من داء!
وعشقها أيضاً دواء.
ونيلها بلسم لكل الأحزان،
ونخيلها قوت للقلوب وظل لها.
وهذا على البعد .. كيف قربها إذن؟!!
لك عميق امتناني.

	**** "مسيرنا ف يوم نرجع لك تاني نشاور للشمس قبل ما تميل وتدوب نشوانة في حضن الليل تبعت نجوم السما مراسيل تقول للحلوة علي ميعادي " ***** صاحب القلب الكبير الأستاذ / شربينى سعدت لعناقى الأول لنصك الجميل كقلبك الأجمل

طول عمرك فارد للشوق
يا علاء جناحاتك
ولمَّا تاخدني في حضنك
أحس ببراح واسع
سايعني وسايع اخواتك

الله الله الله
ايه دي كله :) رهيبه
الله عليك ياشاعرنا دايم تتحفنا وتخلينا نغني معاك
صعيدي با بوي وبحراواى
صرِّين اشواقنا
في مناديل
نشكي ف مواويل
عن حال الغربة
وأحوالنا
ونداري دموعنا
في نن العين
دا الصبر طبيبنا
اللي بداوي
جراح ف الغربة
تهدّ الحيل
نرتاح مع كلمة
في غناوي
أو نغمة ناي
شجي وحزين
****
مسيرنا ف يوم
نرجع لك تاني
نشاور للشمس
قبل ما تميل
وتدوب نشوانة
في حضن الليل
تبعت نجوم
السما مراسيل
تقول للحلوة علي ميعادي
*****
إترص إترص
يا ورق الخسْ
يا بو قلب عاشق ومداري
أنا قلبي ببصْ
علي بنت ف خصْ
واقفة قصادهم وقصادي
عُشاقها كتير
صعلوك وأمير
ف عنيها يا ما قالوا غناوي
*****
غمزتي برمش
عصفوري في العشْ
زقزق وغني ألحاني
أتاريها من أمسْ
غوياني يا عمْ
وأنا برضه كمان
كمان زيِّها غاوي
*****
ف عزّ الليل
ألقاها بتدور
في فلك النور
وأنا المسحور
عاشق بجنون
النجمة الحلوة
بنت يماني
اسرح ف الكون
منا بها مفتون
ألقاني بتدور
في بحور وبحور
ألف وأدور
وأرجع تاني
*****
تظهر وتميل
مرة ف الحول
وتسيب للشوق
فيضان مواويل
يروي ملهوف قلبه شراقي


عظيمة يامصر


ويعطيك العافيه ياشاعرنا الجميل

الشربيني الرائع..الصديق

اموت انا في مصر واهل مصر

سلمتم من كل مكره وشر

احبكم

جوتيار

نعمل ايه؟
بنحبها .. بنت الايه،
بزحمتها ،، بدوشتها
بمطباتها
بأنين ليلها
وتلوث نيلها
لكن بنحبها بنت الايه..
.
"همس"

الكلمات طلبها الملحن الاستاذ الاستاذ فايد عبد العزيز لتلحينها فى اللقاء الاول لاعضاء الملتقى بمصر
انت شاعر معجون بكلام الفلاحين الطيبين
محبتى لك

معجون بدموع النيل
والعجبنة غرين و طين
أزرع بدراعي الشمال
كل يوم شتلة نخيل
وازرع بدراعي اليمين
حب وسنابل وغناوي
العشق والمواويل
تطرح لبكرة أمل
وورد وفل وياسمين