البنت الحلوة ام ضفاير

البنت الحلوة أم ضفاير كبرت على إيدى ونسيانى كان فيها جمال لسه بشاير دلوقتى خلاص مش فاكرانى بتدارى عليا عينيها السود وانا ياما بدرت الخد ورود وقطفت الطارح ع العنقود أيام م انا كنت البستانى البنت الحلوة أم ضفاير امبارح كانت فى حارتنا وندهت عليها قصاد بيتنا قال إيه بتقول مش عارفانى البنت الحلوة أم ضفاير على إيدى حست بوجودها وف مرَّة جت إيدى ف إيدها اتهَّجت كلمة ياح ب ي ب ي على إيدى كان قلبها لسه بيتوه من نظرة ومن لمسة ويدوب من بس يادوب همسة فى العشق تقول انت طبيبى البنت الحلوة أم ضفاير نسيت كام يوم سهرت فياَّ وف عز الليل تبعت ليَّا مراسيل ويَّا الريح الطاير نسيت كام يوم سهرت ليلُه بتنادى الشوق وتغنى لُه بتقول دا انا شعرى حرير طولُه يملا شبابيك بيتكو ستاير البنت الحلوة أم ضفاير

يا لشقاوة تلك البنت
أمّ الضفاير..!

جعلتنا نطير معك
عبر هذا البوح الناضج..الممتلئ حباً صادقاً
تنحني لقامته أجمل الوردات..

شاعرنا المتألق علاء عيسى

وفي كلّ مرةٍ تثبت أنك الأجمل
من كلّ جمال..

تحيتي لهذا الشلال الماطر
فرذاذه وصل إلى آخر بقاع الأرض..

يادى البنت الحلوة ام ضفاير

ليا اغنية بنفس الاسم تقريبا

البنت الحلوة البيضة ام ضفاير
وعدتنى كتير
وعدتنى تعيش ويايا
ف عش العصافير
وعدتنى بحلم كبير
وعدتنى نطير..... زى العصافير
وصحيت م النوم
لا لقيت......... العش
ولاحتى لائيتنى بطير
انا بس لئيتنى
مكسور الجناحين وحزين
ودايب .......
فى عشق البنت البيضة

*******
البنت الحلوة البيضة ام ضفاير
شعرها طاير
وانا قلبى معاه بيطير
وانا فكرى معاها حاير
حطت وسط الموج
والموج عالى
غرقنى الموج
صعبت على حالى
معرفتش ايه الى جرالى
لانا عارف اهرب م الغرقة
ولا عارف ارجع من تانى
نفس مكانى
وانا كل كيانى
دايب.....
ف عشق البنت البيضة
*******
البنت البيضة الحلوة ام ضفاير
وعدتنى بحب كبير
وعدتنى تعيش ويايا
ف حلم العصافير
وحلمت كتير وانا بستنا
من يومها نا طاير ف الجنه
وصحيت م الحلم لاقيتنى
مكسور الجناحين....... وحزين
ودموع ماليه العين
بتجرى على الخدين
وانا عمرى ماعرفت الدمعة
ولا حتى بتيجى منين
من قبل اما اعشق
البنت الحلو البيضة ام ضفاير

بس بتاعتك احلا طبعا

	معرفتش ايه الى جرالى لانا عارف اهرب م الغرقة ولا عارف ارجع من تانى يادكتورنا شرف لى أن تكون كلماتك بين كلماتى وآهى كلها " بنت حلوة وام ضفاير " بس بتاعتك بيضة هههههههههههههههه

اخي علاء عيسى
وهو فيه ضفاير الأيام ديّة
فين الضفاير قل لي
قول أم الشعر الطاير
رائع انت وقصيدة غنائية حلقنا مع موسيقاها
دمت ودام القك
تقديري
ينابيع السبيعي

	معرفتش ايه الى جرالى لانا عارف اهرب م الغرقة ولا عارف ارجع من تانى يادكتورنا شرف لى أن تكون كلماتك بين كلماتى وآهى كلها " بنت حلوة وام ضفاير " بس بتاعتك بيضة هههههههههههههههه

عايز تفهمنى ان البنت بتاعتك سمره يعنى
طب وماله
السمار كل الجمال
ههههههههههههههههه
دمت مبدعا سامقا

تستحق ان تفعل بك ذلك
لانك تسحرها بكلامك
وتجي تسحرنا معا ها
وهي اكيد غيرانة

فتسيبك

وترحل اكيد

رائع
رائع

محبتي
جوتيار

البنت دي حلوة وشقية
غاوية زقزقة وملاغية
راخيه رموش سهتانة
وضفاير الحب الوردية
****
سنده خدها علي كتفي
والشعر بهفف حواليَّا
عصافير قلبي العطشانه
محتاجة كاسات حنيَّة
****
لو تطلع بيضة أو سمرة
متكحَّلة وخدوده ورديَّة
بعنين ساحرة زي قمرة
من بس نظرة يغمي عليَّا

البنت الحلوه بضايفر = تغمز وبترمي كلام طاير
تبص بعنيها وبتسبل =وماشيه بتدلع تتمايل
ولقتني بقرب لهواها = سبتني وراحت تتعاجب

الشاعر المبدع / علاء عيسى ..
بحق جميلة ورقيقة قصيدتك هذه ، لها جرس موسيقي جميل وكأنها تصلح لأغنية ..
عذرا إن داعبت كلماتك قريحتي فخرجت هذه الكلمات العفوية ...

تحيتي وتقديري

	يا لشقاوة تلك البنت أمّ الضفاير..! جعلتنا نطير معك عبر هذا البوح الناضج..الممتلئ حباً صادقاً تنحني لقامته أجمل الوردات.. شاعرنا المتألق علاء عيسى وفي كلّ مرةٍ تثبت أنك الأجمل من كلّ جمال.. تحيتي لهذا الشلال الماطر فرذاذه وصل إلى آخر بقاع الأرض.. الفاضلة رقيقة الحرف منى الخالدى وفى كل مرة تثبتين أنك الأرق من كل رقة فشلال ثناؤك استطاع أن يقيد قلمى ويمنعه من النطق