يارب محتاجلك قوى
انا الضعيف وانت القوى
وشىء طبيعى ان الضعيف
يارب يتحامى ف قوى
انا بعترفلك كنت عاصى
ومهمنيش ومشيت براسى
لاكن تعبت من الذنوب
وتعبت من كتر المعاصى
طفيت بإيدى كتير شموع
والعين خلاص ما فيهاش دموع
مشيت طريق عارف نهايته
وعمرى ما حلمت برجوع
وعشت ليل مالوش قرار
وكنت مسلوب الاختيار
يارب انا محتاج رضاك
خايف لتبقى نهايتى نار
إهدينى يارب القلوب
ساعدنى ليك ارجع واتوب
إرحمنى انت برحمتك
وسامحنى على كل الذنوب