مين اللى رسانى عليكى
اعشق شرب دم الحمام
والف بقفا دبلان من كفوف شغاله بلاش
ملهاش
وشوش
بتتحرك ف المنقوش
على ستار اكتافى
وانا ماشى
كافى
صمتى سكوتى
سكوتى صمتى
والحسبه بالسنتى
يا اللى انت واقف هناك مستنى
اوعاك ف الطابور ده تغنى
سلعتك ف التموين ناقصه الحلم
ناس راضيه
و ناس عامله فيلم
وصاحب الموال بيدى الحلق للى كبر دماغه
وحشاها بالمقلوب
قلوب
بهتانه
زهقانه
حلفان ((بضربة سوط على ضهر بيتقسم ))
(( وضهر بيعدى ف حضن العمر بيبتسم))
كانه سم ف كبايات الزمن العبيط
مين اللى رسانى عليكى ...............................