الشمس اللي نازلة
تنشف
عرق الفلاح ف كمها
ماكنتشى نازلة لله وللوطن
كان نفسها يلم شعاعها ف ديل جلابيته
واما عمل مش واخد باله
وصهين
الحلم ماستحملشى الصهد طار
وساب جناحات الامل ع الارض
دمعه العشق اللى رغرغت شوق وحنين
كات اخر دمعه ف عين الشمس
واما وصلت ف كبد السما
وقعت الدمعه اليتيمة ف حجرالارض
كل اللى كان يمشى عليها ينكوى بنار عذابها
محدش عرفها
ومحدش بطل يمشى عليها
ما كانش حد مفكر
ان فيه للشمس دمع