حرنكش.. حرنكش.. حرنكش بقرش
وقلبى اللى واقع بينكش
ف ضل مكسور للنملة المكسورة
يمكن يلاقى حبة ضل تايهين جنبها
او يلاقى حبة تراب نادى
خناجر العجز حامية
لاقادر يستحملها قلبى
ولاقادر يطعن بيها النملة
غيم من الاحزان
يمطر جوايا حجارة
ومش لاقى مكان يدارينى فيا
سرب الالام اللى حاوطنى
مفكش كظمة الغيظ جوايا
وانا بدور على صورة بنت بهتانة فعنيا
ف سكة ملانة بالغموض
تسقط الريح عليا اوراقها الدبلانة
تنهش ف جسدى نوارس البحر
الهربانة م الريح الاسود
يسقينى القلق كل مية بحوره
ولاتقدر الضلمة تخفينى حتى من نفسى
اقع ع الارض ادوب ف ترابها
ياترى هطلع من حظ مين؟