فينك با بغل البلدية
فينك با بغل البلدية
والمكنسة والعربية
والفرشة دايرة وقوية
تكنس بدقة وجدية
فينك يا بغل البلدية
فينك وبالرشاش ترش
تخلي شوارعنا تنعنش
واحنا صغار بنقول ده الدش
نجري وراها ونفرفش
فينك يا بغل البلدية
نظافة ما تلاقي قشة
دلوقتي كناش بمقشة
ضعفان وتلقى ايده كشة
لا اتغدى شكله ولا اتعشى
فينك يا بغل البلدية
من نص قرن وكان غيرنا
يبص لينا ويحسدنا
دلوقتي لما اتغيرنا
صعبت عليهم احوالنا
والله يا ناس دي أمنية
فينك يا بغل البلدية