كنت فاكر لماتبعد تبقى أأوى ..,وانت أضعف.
امتى تيجى الساعة والبس,
وابتسم بشياكة والمس..تقطيعاتك!!
زقزقة وطاويط كهوفك,
فجّرت أبشع ملامح..للسكوت.
حالة صعبة:
(كل رغباتى الدفينة.فكّت الأكفان وصرخت..\
صدعت أركان دماغى)؛؛
الليلة الأخيرة عذاب:
(شمعة سودة..كتاب مهلهل..,
والقلم عمّل ينّقط من سخونة ملمسك!!)
-أبجدية مفردات الحس عاهة,
وانت مش ناقص تشوّه.
شوكة واحدة مش كفايه..
رشّق الشوك ف الخلايا ..,واتكتم.
هىّ بتدوّر ف دنيا..وانت بتدوّر ف دنيا!!\
أنت مسخ,,هىّ ناعمة؛؛
مش هتستحمل خشونتك.
غلف حبال الحنجرة بصفيح مشرشر,,
وابلع لسانك
كلمات/الصقرالعاشق