أحدث المشاركات
النتائج 1 إلى 3 من 3

الموضوع: كلمتين لمصر

  1. #1
    عضو غير مفعل
    تاريخ التسجيل : Nov 2003
    الدولة : بلد الأزهر الشريف
    المشاركات : 10
    المواضيع : 2
    الردود : 10
    المعدل اليومي : 0.00

    Lightbulb كلمتين لمصر





    كلمتين لمصر ______________
    كل عين تعشق حليوة وإنتي حلوه ف كل عين
    يا حبيبتي قلبي عاشق واسمحي لي بكلمتين
    كلمتين يا مصر يمكن هما آخر كلمتين
    حد ضامن يمشي آمن أو مآمن يمشي فين ؟
    ______________ شابه يا أم الشعر ليلي
    والعيون بحرين أماني والخدود عسل ونار
    واللوايي فى إبتسامتك يحكوا أسرار المحار
    يا للي ساكنه القصر عالي إمتى يهنا لي المزار
    كلميني يا صبيه طال على الانتظار
    ______________ كلمتين يا مصر يمكن
    حد ضامن يمشي آمن أو مآمن يمشي فين
    ______________ قصرك المسحور غيلانه
    بعد مص الغصن لاخضر ينحتوا عضم العيدان
    وإللى خلا الارض خضرا وإللى خلا الدار أمان
    عاش بجوعه ملو جوفه مات بخوفه م الغيلان
    روح الغلبان ما قالشي عن شقا العمر إللى كان
    ______________ كلمتين لمصر يبقوا
    حد ضامن يمشي آمن أو مآمن يمشي فين
    ______________ آدي كلمه من عذابي قلتها لك
    باقي كلمه من حنيني صنتها لك فى الضلوع من دنيا ظالمه
    كنت خايف يلمحوها يقتلوها ف سكه ضلمه
    شقشقت والنور بشاير زهرة الصبار يا سلمى
    يا نسيم الشوق يا طاير خد لمصر الصبح كلمه
    ______________ طول ما يبقي الركب ساير
    يبقي ضامن يمشي آمن يبقي شايف يمشي فين



    أحمد فؤاد نجم // معتقل شبين القناطر / 1973





  2. #2
    عضو غير مفعل
    تاريخ التسجيل : Dec 2002
    الدولة : مصر
    المشاركات : 2,694
    المواضيع : 78
    الردود : 2694
    المعدل اليومي : 0.42

    افتراضي



    اهلا بك اخى الهادى فى هذه الدوحة

    وشكرا لك على هذا النقل الجميل لشاعرنا الكبير احمد فؤاد نجم
    المعروف بعشقه لمصر وغزله لمصر كحبيبة فاتنة
    يعشقها ويرسم ملامحها بحب وجمال

    شكرا لك اخى العزيز

    لك تحياتى ,,, وباقة ياسمين


  3. #3
    عضو غير مفعل
    تاريخ التسجيل : Nov 2003
    الدولة : بلد الأزهر الشريف
    المشاركات : 10
    المواضيع : 2
    الردود : 10
    المعدل اليومي : 0.00

    افتراضي



    أشكرك أختي ياسمين على هذا الترحيب الجميل و كم أنا سعيد لوجود باقه من الياسمين البلدي المصرى ذو الرائحه العطره الذكيه ... هنا و بين تلك التشكيله الساحره من الزهور والورود من جميع الأمه العربيه فى هذه الواحة الفواحه بالحب و العلم و الثقافة...

    تحياتي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. كلمتين
    بواسطة محسن البدراوى في المنتدى أَدَبُ العَامِيَّة العَرَبِيَّةِ
    مشاركات: 14
    آخر مشاركة: 04-06-2012, 10:56 PM
  2. نشيد النيل- تهنئة متأخرة حارة لمصر الحبيبة لفوزها بكأس الأم الإفريقية
    بواسطة يوسف أحمد في المنتدى فِي مِحْرَابِ الشِّعْرِ
    مشاركات: 7
    آخر مشاركة: 28-06-2008, 03:17 PM
  3. الحياه كلمتين
    بواسطة نورا جمال هويدى في المنتدى أَدَبُ العَامِيَّة العَرَبِيَّةِ
    مشاركات: 3
    آخر مشاركة: 09-05-2007, 01:39 PM
  4. ألف مبروك لمصر زيارة الدكتور محمد حسن السمان لها
    بواسطة أحمد حسن محمد في المنتدى فِي مِحْرَابِ الشِّعْرِ
    مشاركات: 36
    آخر مشاركة: 25-09-2006, 06:48 AM
  5. فعاليات زيارة الدكتور سمير العمرى لمصر
    بواسطة البحترى في المنتدى الاسْترَاحَةُ
    مشاركات: 3
    آخر مشاركة: 06-07-2006, 02:36 PM