ياللي بتبعد عن اسلامك = كان غيرك اشطر
فين هترجع عز ايامك = كان غيرك اشطر
وف ايه بتفكر
********
عود بقى لله وتوب= فين هتهرب م المكتوب
ربك ياابني رب قلوب = ارجع وغيَّر
غير هتقدر
********
فين بتهرب م الغفار= خالق الليل والنهار
ياللي جربت الفرار= عاوزك تاخدله القرار
للتوبة وتقرر
********
ياللي بتبعد قولي فين = هتلاقي الحضن الحنون
كاتم اسرارك امين = هيبدلهالك حسنات
دا عليك بينظر
*********
والله ِ- ربك حبيب = لو ترجعله من قريب
قصدك ابدا ما هيخيب = وقلبك هيعمر
عايز ايه اكتر
***********
يا للي بتبعد آن اوانك= تفرح وتصفي وجدانك
تفرح وتفرح اخوانك= والفرحة دي تكبر
وعليك هتظهر
***********
يا اخويا داأساسنا دينا= عليه...الله يعينا
وثبتنا ويقومنا = فالله اكبر
ف دينا بنطهَّر
***********
البعد يا حبيبنا ليه = طب ف الاخرة هنقول ايه
والرسول يزعل ويانا = ووجهه يتغير
ايه رايك هتقدر
************
راح يملى الجنة امثالك =بس تابو-آه- عقبالك
ياللا د التوبة النصوح= هتغير كل احوالك
من ذنبك اتحرر
**********
بينه وبينك مش راح اوقَّف= لازم انصح لازم تعرف
حجة نقيمها ليوم الدين= خايف تندم خايف تخسر
دي نصيحة مش اكتر
**************
تسوى ايه بعدك عن ربك = تهرب منه ويقرب لك
لا ونسيت رقيب وعتيد = صفي قلبك راح يحبك
دا بيرحم ويغفر
سبحان الله وبحمده ..... عدد خلقه ::::: ورضا نفسه :::::: وزنة عرشه:::::: وسعة ملكه ..... ومداد كلماته