باحب المحشى واحب العدس واحب الفول
******
أشعار الدكتور صبرى إسماعيل
******
باحب المحشى واحب العدس واحب الفول
لكن لمّا باكلهم باشكى
وافضل طول الليل معلول
بطنى بكل غرور منفوخة
فيها ألام وشوية دوخة
رحت قوام لحكيم الصحة
كشف على بطنى ووضحهّا
كتب علاج زود احزانى
وكيس كبير خلانى اعانى
وتعليمات تحليل فى البول
وتوصيات للأنتربول
نرجوا بلاغنا وعاجل جدا
لو حد شافنى باخزن فوول
طب يجرى ايه لو كلت يا بيه
السندوتش ابو نص جنيه
او فتة العدس المعتبره
او كشرى بالجبة من شبرا
مع دش بصلة وارنين شطة
ومخللات دربكت الخطة
ومهما يحصل مهما تقول
ما اخاصم ابدا طبق الفول