اكتشـــــــــــــــــــــ ــــــاف متأخر
عجيــــــــبة أفعـــــــــــالها الدنـــــــــــيا
ولو هذا اكتــــــــــشاف أيجوز مو وكته
على المامــــــــش عشـــــــــــتها أسنـــين
وحزن الروح عالحـــــــــــــــيطان علگته
جبناها ركض عالخـــــــــــبزه والچاكيت
ومن كثر اللطم چاكيــــــــــــتي فتــــــگته
يگـــــــــــولون الفرح مر ابيــــابي العين
بس الفرح والعبــــــــاس ما شـــــــــــــفته
إذا كلي حــــــــــــزن من راســـي للرجلين
وگلبي عالحــــــــزن والنوح دربتـــــــــــه
منين افرح وأجيــــب الفرح من يا صوب
الفرح بأيـــدي لهذاك الصـــــــــوب عبرته
دجيبولي الفرح حتــــى أحس أني إنسان
لأن من زغر سني الفرح ما ضگــــــــته
ولو كل العراقيـــــــــــــــين حزنانيــــــن
بس حزني علي تفصـــــــال فصـــــــلته
قميصــــــه من عــــهد يوســــف نبي الله
ومن عثــــمان دم أبلــــون قمصـــــــــلته
يا يمـــــته الفرح يندل طريـــق الروح
إذا حتى الدرب بالقــــــــــــفل قافلتــــه
مر بيه شعجب ليــــــــهسه ما مريــــــت
حتى اتگول يوم الحشر حتى أفلان ما عفته
خاف الله وتعنـــــــــه ومر علي مشوار
أفاخر بيك كل حزنان مثلي ألفرحه ماجته
ولو شتفيد وكتـــــــــــــــك راح يا متفيد
صار أسنين نعـــــــــشك أني شيــــــعته
ما أريدك تجي والعمر قد جاوز الخمسين
وأبيض الشعر چني أبميش ميـــــــــشته
ملــــــــــــــيت الحزن مر يافرح فد يوم
لأن ماظل دمع بالعين كل الدمع وشلته
دخيلك يا عليك الحمزه أبو حزاميـــــن
حتى اجبر دليــــــــــلي ايگول سامحته
الشاعر محمد الفـــــــــــــــــــــه د