راح احچي بالتفاصيل
راح احـــچي يحـــــــاتم بالــتفاصـــــيل
بس لتضوج مني أوجــــــــهك أديــــره
وأسولفلك عليه هوايه عندي أخبــــــار
عن كل ألــــــــجره والصار بالديــــــره
يحاتم دمروا بيتي السكــــنتـــه أسنــين
وباعـــــــوني يا حاتم بأقل تســـــعيره
البرحـــي يحــاتم صـــــار للتصــــــدير
ما يــدخل علــيه أبغــير تأشـــــــــــيره
ذبحـــــــونه يحاتم ولد أبن صهـــــيون
لأن جـــو للعراق أبقـــصد تدمــــــــيره
وتگلي اشو چنك حزين أتبين ومهموم
لان كثرت حرامية الوطن قلت نواطيره
يحــــــــاتم بيـــــــه والله أجـــــــــروح
ما تـــگدر عليــــهن ألف ماســــــــيره
يحاتم باگوا ألضحكه من العــــــــــيون
وبس المــوت ظل أبعينــي تصـــــويره
يا ســــــــيد عليك الحمزه أبو حزامين
گلبي أيــــــــريد منك حل يا أبو ألغيره
صدگــــــــــــــاني يحاتم أصبحوا طشار
جزع گلـــــــبي وبعد ما اعرف تصبيره
ونار البلــگلب ما تــنطــفي بچـــــلمات
لان حـــتى الحــچي مريــود تحـــويره
وكــيح اني يحـــــــــاتم ما ادنگ راس
وتعّبني الدمــــــــــــــاغ وكثر تفكيره
العـــــذر منك يحـــــــاتم يا چبير الشان
الما يعرف تدابيره حنطته تآكل شعيره
محمد الفــــــــهد
رد مع اقتباس
المشاركة الأصلية كتبت بواسطة محمد الفهد
