صرخة وطن عربى
*****
أشعار الدكتور صبرى إسماعيل
*******
صرخة وطن---بِتهِزّ فيّه تُرجّنى
يِمكِن أفووق
صرخة وطن---بتشِد فيّه تِحبّنى
أطلع ل فوق
والشمس مالت للمغيب
والليل ماباين لُه شُروق
**************
صرخة وطن--تِنده علينا تِلِمّنا
والأخطبوط--داهم حدودنا وأرضنا
شادد كلابه كُلّهم
بيبّخ سمّه بظلمهم
بادعى يارب تردّهم
وتخلّى رايتى تذلّهم
************
واهى غزة شقت صدرها
عدد الرقود كمّ الشهود
والظلم ساكن فى البارود
رغم العهود رغم الوعود
غزة بيرفعها الصمود
والأرض شرفّها الشهيد
والدنيا أخرسها الوعيد
والمخروسين والأفّاقين
اللى رصاصهم جعجعة
واللى شاغلهم مين مع؟
واللّى خادعهم إمّعة
*************
والدمّ جارى فى كل دار
لوّن فى أشجار اللمون
والدمعة سالت
تِشتكى ل غصن الزيتون
والرملة ثارت
ع الجبل تِحكى بجِنون
والموج بيعلى بالغضب
والنخل زعلان والرطب
والميّه ثارت فى الفرات
تِعلن بيانها المقتضب
ليه السكوت؟!
ماهو كلّه موُت
بين التخاذل والهرب
غزة النهاردة فى اِمتحان
وبكرة كلّه هينضرب
ليه السكوت ليه الهوان؟!
ليه المهانة ياعرب؟!
ليه المهانة ياعرب؟!
صرخة وطن {مع التحية للصامدين فى غزة}
رد مع اقتباس
المشاركة الأصلية كتبت بواسطة أحمد موسي
