وإيه يعنى .. سنين مرت !

متيجى نعيدها من تانى
وإيه يعنى سنين مرت
يجوز أيوه حياه ماضيه
يعز علينا نسيانها
وجايز برضه كات فاضيه
يهون عالقلب نكرانها

نعيش اليوم عشان بكره
وإيه الأمس غير ذكرى !
واهى أيام وبتعدى
وغيرها كتير أكيد مرت

وقعنا وقمنا من تانى
وياما بكينا على جانى
عشقنا ف يوم هوا ضله
وداب شوقنا ولا نمله
يميل القلب على ميله
ونزهد فى الهوى غيره
نبكى الكون على حزنه
ونرمى اللوم على حالنا
يفرح يومنا من فرحه
ونخفى عنه أوجاعنا
يهجر فينا وندارى
وليلنا نعيشه نتمنى
لحد الفجر م ينادى
ونرجع نجرى عالجنه !
سيبنا القلب على كيفه
واهو بكيفه
لعب بقلوبنا وانكسرت
واهى أيام علينا مرت

متيجى نعيشها من تانى
بشكل جديد مهوش خاضع
ولا خادع
صفاء روحنا يعزف لحن
يحيى القلب
إيه مانع ؟!
نعيش اليوم عشان بكره
عشان معنى
يعيش معنا
دا بكره الجاى
بيندهلك بتوب منقوش
بميت معنى
مادام النبض لساه حى
يرج القلب
تسقط منه أوجاعنا
نلاقى براح بلون تانى
يحسه الصامم الأعمى

تعالى نعيشها من تانى
وننسى حزننا الماضى
نخلى الدمع للغالى
ولا نبكيش فى يوم واطى
ونرجع نبنى أرواحنا
ويبقى للحياه معنى

هتيجى نعيشها من تانى ؟
تعالى نعيش وإيه يعنى
سنين مرت

أكيد هنعيشها من تاني
ونملى الدنيا دي أغاني
ومش هنبص للماضي
عشان دا يدوب سنين مرّّت

سنين مليانه بالأوجاع
ومليانه ألم وخداع
ومش هرجع ف يوم ليها
عشان دي يدوب سنين مرّّت

سنين عماله تخدعنا
مشينا كام طريق فيها
يدوب كان خطوه ورجعنا
فليه نبكي عليها وليه
وإيه كان فيها له معنى!!

أكيد بكره هييجي بنور
ونرسم بالأمل بلور
نعيش جواه
ندوب ف هواه
نهد بشوقنا أي كسور


الحبيب الغالي / أحمد حاتم

نص ممتااااااااااااااااز
أقل ما يقال فيه

وتقبل تداخلي وسعيد بأن أكون أول المعانقين
لهذا الجمال

المخلص لك / أحمد موسى

واهى أيام علينا مرت

متيجى نعيشها من تانى
بشكل جديد مهوش خاضع
ولا خادع
صفاء روحنا يعزف لحن
يحيى القلب
أحمد حاتم
راجع تلك السطور الملونة
ستجد
ان كل لون بتفعيلة مختلفة
برغم ان تفعيلتك الأساسية هى
" مفاعيلن مفاعيلن"
اما عن النص
فهو غاية فى الرقة
ونسجك نسج قوى
ولكن وجب التنويه لتلك الهنات الخفيفة على سبيل المثال

العزيز أخي .أحمد حاتم
تحياتي والإحترام لنصك الجميل ...................سنين عماله تخدعنا
مشينا كام طريق فيها
يدوب كان خطوه ورجعنا
فليه نبكي عليها وليه
وإيه كان فيها له معنى!!....................................
.................................................. .......................الإسلام يعطي حياتنا معنى وقيمة وجودنا بالعطاء ..يابن النيل المعطاء

..

نص جميل
بداية من العنوان
عجبنى فيه لمحات الأمل
والتفاؤل
والجدية فى تحقيق المستقبل المشرق
تحياتى لهذا القلم
و
إلى لقاء