يا أمي
أمي يا نسمه شوق
بالحب ترويني
بشتاق أدوق وأدوق
وأموت وتحييني
بهديكي كلماتي
يا عمري وحياتي
وف عيدك أهديلك
قلبي ونبضاتي
يا أمي من غيرك
أقدر أعيش إزاي
وأنا كلي من خيرك
يا دنيتي ومناي
مقدرش يوم يا اماا
أحياه بدون ضمه
ودعوه تكون لمه
كل الفرح والخير
يا اماا يا وش السعد
يا وعد و اجمل وعد
لو مش هبوس إيدك
منين هدوق الشهد؟!!
يا وصيه الغالي
رسول إله عالي
وسراج و بيلالي
وبدعوتك يا اماا
الدنيا تحلالي
لو بت يوم مهموم
ما يتدوق عنيكي النوم
وألقي الأمل مرسوم
ف عنيكي قدامي
يحميكي رب الكون
يا أغلي قلب حنون
بيقوي أحلامي
للشاعر (أحمد سعيد موسي)