أحدث المشاركات
النتائج 1 إلى 10 من 10

الموضوع: مين اللي باني الهرم

  1. #1
    الصورة الرمزية مصطفى عمار شاعر
    تاريخ التسجيل : Jun 2006
    العمر : 37
    المشاركات : 144
    المواضيع : 29
    الردود : 144
    المعدل اليومي : 0.02

    افتراضي مين اللي باني الهرم




    وانا جوا قسم الهرم
    في الحجز عند البيه
    شوفت الألم من قلم على وش واحد ....ليه؟؟؟؟؟؟
    مسكوه بيفتح أوي على أرض مصر عنيه
    بيدوس تراب الهرم عادي كده برجليه؟
    بس السؤال كان عجب...........
    - فين ياغبي الكارنيه؟؟؟!!!
    - أنا كنت جايبه ووقع آسف سعادة البيه
    كان لازم اعرف بقه ..أصل القلم كان ليه
    *****
    جه دوري في المشرحة
    - أأمر سعادة البيه
    - قولى الإجابة وبس
    - هوا السؤال كان إيييييه!!!؟؟؟
    - مين اللي باني الهرم؟؟؟؟؟؟؟؟؟؟؟؟
    - إديني فرصة يابيه
    أنا شكلي مش محترم؟؟؟؟
    ولا عملت انا ايييييييييه؟؟؟
    أنا قولت اشوف الهرم
    مش ذنبي مي الللي بانيه
    عمري ما شوفت الهرم
    غير بس في الافلام
    وف درس في التاريخ
    والنت والإعلام
    هوا اللي باني الهرم ... زعل سعادة البيه؟؟؟؟؟
    ولا الهرم مش هرم ...... واحنا دحكنا عليه؟؟؟؟
    - بطل لماضة وقوووول؟
    - والله لو اعرف اقول
    ما انا قولت مش معقول
    بيقى اللي باني الهرم واحد غبي ومهبول
    انا عارف اللي عرف ...لكن حلف مايقوووول
    - قولى على اسمه اوام ؟؟؟؟
    - اسمه أبونا الهول
    هوا اللي شاف الهرم مين اللي حطه هناك
    هوا اللي قاعد حرس يحرس صخور أملاك
    هوا اللي عامل أسد خلا الديابه هناك
    - خده تاني يا عسكري عالحجز لما يخف
    شكل السؤال لخبطه خلى عروقه تجف
    بكرة هجيله اسأله اياه يدور ويلف
    خدني معاه عسكري رابط فئيدي كلبش
    كلبش معاه الأمل خلاني زي الكبش
    مستني يوم ما اندبح أصلي هنا ماعرفش
    ماعرفش إيه السبب اني بقيت ف كلبش
    *****
    عدا عليا الليل
    بحلم بلون النيل
    هوا اللي عارف بقه
    مين اللي باني الهرم
    مصري أكيد يا نيل؟؟
    ولا دا دور تمثيل؟؟
    عايزين يبيعوا الهرم؟؟؟؟؟
    ما الغاز لإسرائيل!!!!!
    لو قولنا كان فرعون
    هيقولوا كنا عبيد
    شغلنا نبني الهرم
    وانتوا بتسقوا النيل
    هنقول بناه عملاق
    عمل الجبل أنفاق
    خلا الهرم للزمن يشهد على العملاق
    هطلع عميل للعرب
    كله نفاق في نفاق
    *****
    يا اللي بنيت الهرم مالي انا ومالك؟؟
    عايز في أرضك أعيش خليك بقه ف حالك
    قولى بنيته ليه ؟؟
    طب قولى ذنبي إيه؟؟
    ساكن في أرض الهرم كل الأجانب ليه؟؟
    صارت حرام ع الوطن يلمح صخورك ليه؟؟
    لما بنيت الهرم ما بنيتش اسمك ليه؟؟؟
    لما بنيت الهرم ما بنيتش اسمك ليه؟؟؟
    ******
    الفجر جه يا وطن
    قوم رجع الاهرام
    انت اللي باني الهرم
    مش باقي غيره حرام
    هيخصخصوه يا وطن
    من غير سلام وكلام
    شكرا يا مصر الهرم
    عاللي جرى أو كان
    السجن أصبح وطن
    وحيطانه ليها ودان
    عشماوي شال الشنب
    بقى كله زوق وحنان
    والحبل مش مشنقة
    مرجيحة للزعلان

    لما هييجي البيه
    هكدب واقول انني
    آني اللي باني الهرم
    رافع صخوره عليه
    آني الي جدني انقتل
    لما التراب جه عليه
    آني اللي سيدي اتعمى
    لما دخل في عنيه
    أسمي ايجيبت يا بلد
    اسمي ايجيبت يا بيه
    يا مصر نيلك سأل
    وآني جوبت عليه
    آني اللي باني الهرم
    مش حد تاني يا بيه
    آني اللي باني الهرم
    مش حد تاني يا بيه




  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,793
    المواضيع : 393
    الردود : 23793
    المعدل اليومي : 4.07

    افتراضي

    للأسف شاعرنا هذا ماوصل إليه حالنا المؤسف المبكي
    أدميت وتين الحرف سيدي عندما عزفت على ذلنا وقهرنا
    نسأل الله الأمن والأمان
    وأن لايأتِ يوما نجد ماتبقَ من أنفاسنا تخصخصت
    تقديري لنزفك الساخر الراقي هنا
    ودمت طيبا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية مصطفى عمار شاعر
    تاريخ التسجيل : Jun 2006
    العمر : 37
    المشاركات : 144
    المواضيع : 29
    الردود : 144
    المعدل اليومي : 0.02

    افتراضي

    اقتباس المشاركة الأصلية كتبت بواسطة رنيم مصطفى مشاهدة المشاركة
    للأسف شاعرنا هذا ماوصل إليه حالنا المؤسف المبكي
    أدميت وتين الحرف سيدي عندما عزفت على ذلنا وقهرنا
    نسأل الله الأمن والأمان
    وأن لايأتِ يوما نجد ماتبقَ من أنفاسنا تخصخصت
    تقديري لنزفك الساخر الراقي هنا
    ودمت طيبا

    شكرًا أخيتي على مرورك الكريم
    ووالله ماكانت هذه القصيدة إلابعد اطلاعي على بحث نشره أحد الباحثين يقول ان قوم عاد هم بناة الأهرام فأحسست أنها مؤامرة جديدة وفتح لأبواب جهنم على ما تبقى في أيدينا من ميراث آبائنا وأجدادنا دون النظر إلى مللهم وعقائدهم فإن الله تعالى أمرنا بالسير في الكون والاعتبار بهذه الآثار فليت من يقوم عليها يعتبر بمن بناها وتركها تشهد على أن البقاء للشعب لا للحكام

  4. #4
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,902
    المواضيع : 538
    الردود : 10902
    المعدل اليومي : 1.74

    افتراضي

    السلام عليكم ورحمة الله وبركاته
    مصطفي هذه اقوى من الفوقية ولكن لم اقرأها ألا الآن
    قصيدة رائعة وجميلة الإستحضار
    وان شاء الله تأخذ دورها تثبيتا بعد اسبوع
    رائع والله اخي مصطفى عمار المبدع النقي

  5. #5
    الصورة الرمزية مصطفى عمار شاعر
    تاريخ التسجيل : Jun 2006
    العمر : 37
    المشاركات : 144
    المواضيع : 29
    الردود : 144
    المعدل اليومي : 0.02

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    السلام عليكم ورحمة الله وبركاته
    قصيدة رائعة وجميلة الإستحضار
    وان شاء الله تأخذ دورها تثبيتا بعد اسبوع
    رائع والله اخي مصطفى عمار المبدع النقي

    جزاك الله خيرا أخي الكريم على مرورك أولا
    وجزاك الله خيرا على سعة صدرك لأعمالنا

    وأسعد الله أوقاتك بالمسرات
    دمت بخير

  6. #6
    الصورة الرمزية عبد الكريم العسولي شاعر
    تاريخ التسجيل : Nov 2009
    الدولة : فلسطين - غزة
    المشاركات : 497
    المواضيع : 35
    الردود : 497
    المعدل اليومي : 0.09

    افتراضي


    الأخ الفاضل مصطفى عمار

    عبرت بشاعرية جميلة عن الوجع والألم الكامن في الصدور

    أراك تحترق وجعا وأنت تدوس على أشواك الطريق التي تملأ الأوطان

    لقد أدخلت الوجع إلى قلوبنا جميعا بصدق مشاعرك وروعة أسلوبك

    وجمال موسيقاك

    لك مني كل الاحترام والمودة .

  7. #7
    الصورة الرمزية مصطفى عمار شاعر
    تاريخ التسجيل : Jun 2006
    العمر : 37
    المشاركات : 144
    المواضيع : 29
    الردود : 144
    المعدل اليومي : 0.02

    افتراضي

    اقتباس المشاركة الأصلية كتبت بواسطة عبد الكريم العسولي مشاهدة المشاركة

    الأخ الفاضل مصطفى عمار

    عبرت بشاعرية جميلة عن الوجع والألم الكامن في الصدور

    أراك تحترق وجعا وأنت تدوس على أشواك الطريق التي تملأ الأوطان

    لقد أدخلت الوجع إلى قلوبنا جميعا بصدق مشاعرك وروعة أسلوبك

    وجمال موسيقاك

    لك مني كل الاحترام والمودة .
    والدي وأستاذي
    دمت بخير وبالخير دمت
    فأنت الأديب إذا ما كتبت
    وأنت القريب إذا ما سكت
    فكم زدت شوقا لشعر نظمت
    وكم زدت فخرًا إذا قد مررت
    فدمت بخير وبالخير دمت

  8. #8
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.60

    افتراضي

    مين ده اللي يفتح بقى
    على أرض مصر عينيه
    ماله ومالها الحبيبه
    الغاليه
    نن عنيه

    والا العبيط ليه بيسأل
    هوّه فاكر أييه
    والا عشان ما بسلامته
    شاف اسمه عالكرنييه
    قاللك بقينا وبقينا
    وجيه عاليه في واطيه

    مالك ومال أرضها أنتَ
    إش فرعنك يا سفيه
    ميخصخصوه ويبيعوه...
    إيه خص أهلك بيه
    هوه الهرم كان بتاعنا فيوم
    عشان نراعيه
    والا احنا أصلا بتوعه
    والا لينا فيه
    ملعون ابوه عاللي جابه...
    على امه عاللي بانيه
    حتموت ...
    ولساك بتحلم باللي نفسك بيه

    بكره عشان ماحنا نعرف
    قدرنا ونراعيه
    حيمرمطونا الدّيابه
    ونتسئل ..
    طب ليييه ؟
    بكره المداس
    من جلودنا هيتعمل
    طب لييه ؟؟؟
    خلينا من غير مشاكل
    والهرم ..خلليه
    ميغيروه ...
    يهدموه...
    ولا يشيلوه ...
    خللييه

    دي الأرض راحت...
    باعوها...
    الأقصى هيهدوه
    غرسوا الكنيس جوه أرضه
    فقلبه ...
    جوه عينيه
    والقدس هيفرتكوها
    وكله غطى عينيه
    خليها يابني على الله
    ارم الحمول دي عليه
    وقول إلهنا...
    يا قادر...
    مين قصادك بيه
    هدّ اللي هدوا الغلابه
    والضعيف قويه
    ***

    لحرفك نبض ملهم لا يقاوم
    دمت مبدعا

  9. #9
    الصورة الرمزية مصطفى عمار شاعر
    تاريخ التسجيل : Jun 2006
    العمر : 37
    المشاركات : 144
    المواضيع : 29
    الردود : 144
    المعدل اليومي : 0.02

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    مين ده اللي يفتح بقى
    على أرض مصر عينيه
    ماله ومالها الحبيبه
    الغاليه
    نن عنيه

    والا العبيط ليه بيسأل
    هوّه فاكر أييه
    والا عشان ما بسلامته
    شاف اسمه عالكرنييه
    قاللك بقينا وبقينا
    وجيه عاليه في واطيه

    مالك ومال أرضها أنتَ
    إش فرعنك يا سفيه
    ميخصخصوه ويبيعوه...
    إيه خص أهلك بيه
    هوه الهرم كان بتاعنا فيوم
    عشان نراعيه
    والا احنا أصلا بتوعه
    والا لينا فيه
    ملعون ابوه عاللي جابه...
    على امه عاللي بانيه
    حتموت ...
    ولساك بتحلم باللي نفسك بيه

    بكره عشان ماحنا نعرف
    قدرنا ونراعيه
    حيمرمطونا الدّيابه
    ونتسئل ..
    طب ليييه ؟
    بكره المداس
    من جلودنا هيتعمل
    طب لييه ؟؟؟
    خلينا من غير مشاكل
    والهرم ..خلليه
    ميغيروه ...
    يهدموه...
    ولا يشيلوه ...
    خللييه

    دي الأرض راحت...
    باعوها...
    الأقصى هيهدوه
    غرسوا الكنيس جوه أرضه
    فقلبه ...
    جوه عينيه
    والقدس هيفرتكوها
    وكله غطى عينيه
    خليها يابني على الله
    ارم الحمول دي عليه
    وقول إلهنا...
    يا قادر...
    مين قصادك بيه
    هدّ اللي هدوا الغلابه
    والضعيف قويه
    ***

    لحرفك نبض ملهم لا يقاوم
    دمت مبدعا

    قصيدة رائعة وإحساس صادق ومشاعر جياشة
    سلمت لمرورك أختي الكريمة ولا تحرمينا من طلعاتك الرائعة وردودك القوية العفية

  10. #10
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,793
    المواضيع : 393
    الردود : 23793
    المعدل اليومي : 4.07

    افتراضي

    حوارية بديعة متناغمة ونص ساخر يحاكي حالنا بحرف أنيق
    بوركت شاعرنا واليراع
    ومرحبا بك في واحتك
    تحاياي

المواضيع المتشابهه

  1. مين اللي فرّط ف الحلق؟؟
    بواسطة عبدالله يوسف في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 15-03-2023, 06:42 PM
  2. مين اللي يِنسَى مصر البشاير في الثوره خمسه وعشرين يناير؟!!
    بواسطة محمد محمود مرسى في المنتدى أَدَبُ العَامِيَّة العَرَبِيَّةِ
    مشاركات: 8
    آخر مشاركة: 02-06-2011, 09:03 PM
  3. عشق ف جدار الهرم،،من قاموس ثورة الشباب الحرطبعة 25يناير2011
    بواسطة عبدالوهاب موسى في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 03-03-2011, 05:13 PM
  4. رسالة إلى رأسي الهرم في فتح وحماس-بقلم: شاعر الارض - ابو المعتصم
    بواسطة فهمي حمدالله في المنتدى فِي مِحْرَابِ الشِّعْرِ
    مشاركات: 8
    آخر مشاركة: 09-10-2008, 03:18 PM