يعجبني فيك
/
\
/
\
يعجبني فيك الآصول ياابن الهرم والنيل
وان ملت مرة شمال مش لليمين راح اميل
يعجبني فيك ضحكتك واحميك بنن العين
لازم حبيبي ياأسمر تسمع المواويل
لزق ف سي ديهة ادلَّع والعندليب وزويل
كاس الشباب دا نعيم لكن بحد اصول
****
أحب فوق جبهتك نور الصلاة موجود
وف قلب قلب الشهامة تترمي وتجود
و الآمة يامة ويامة عزم الرجال بتجود
و جنب صالحك حبيبي صالح الملايين
دالفرع عمره ما مدْ من غير جذور ما يجود
****
عش من حياتك حياتك كلها متسبش
واغضب على اللي يهددك لكن القريب متصبش
واعزف ف يوم غنوتك من دا الآدب متعبش
و ارفع اديك للسما واخلصلو لمتحسبش
*****
ما يعشي من غير جدور غير الغبش والقش
واللي ملوهش جدور طاير بدون متهش
و الأصل سنة وكتاب مش خرفكانة ونتش
توجيه اباءنا امانة دا عمرو ليك ما يغش
*****
ان قالوا دنيا الحضارة قول انا بيها
وإن قالوا علم وتقدم مين اولى بيك فيها
وإن قالوا إرهاب و فوضى دينا م يرضيها
عش يا بوسمرا لعقيدتك و بروحك احميها
خلي كتاب ربنا يعشعش بقى في الراس
تعرف بحرفه الحكاية اولها وتاليها
*****
احميك بنن العين يابن النخيل والنيل
واحكي حكاية حضارتك تنطَّق الموواويل
وازرع صحاري الحياة ضي القمر في الليل
وادعي يا قوت القلوب بنهار ونصر جميل
/
/
دمتم مبدعين
رد مع اقتباس
المشاركة الأصلية كتبت بواسطة أحمد حاتم
