وارْجَعْ إلي
*
وعدت أختي الحبيبة
مريم العموري
بنشر بعض شعري الشعبي
وهاأنا ذي أفي بوعدي بهذه القصيدة
تحياتي لقلبها الطيب*
إنتَ وأنا ياحزن صحبي من زمان
----------ربينا سوا والدَّمع غطَّانا بحنانْ
وخايف علينا من فرح هاكِ الدني؟!
---------ليش الفزع ياحزن عشرتنا بأمان
*
قصيدتي مع الشعر
*
*
*
*
بِكـْتـُبْ قِصَصْ
بِرسُمْ صًوَرْ مِنْ هالدِّني
وبْعَـلـِّـقـَابقلبْ الزّمنْ
وبصَحِّـفا
بخليِّهاتبكي
بالدّمعْ مرَّة
وفرحْ
مرَّاتْ ياما كنتْ ضوِّيْ متحَـفا
لـَك ياشِعِرْ
عمريْ الحقيقي بملعَبَكْ
وبراتو مابحسِّ الدِّني فيها وفا
خلقنا سوا
ربينا سوا
والدَّمعه بينْ النَّاس كنا نجفـِّفا
وبيناتنا عاش الهوى بصدق وحنانْ
ربينا ع شطِّ البحر
واشربنا الصَّـفا
ورَح ضلَّْ أكتبْ حتَّى يخلُصْ هالعمرْ
وبعدي أنا بتبكي القصايدْ مغرِفا
لـَكْ ياشعرٍ
كلِّ الحقيقةْ يَللي إنتَ بتعرِفا
ربِّ القدرْ هويِّ اللي صاغا وصرَّفا
تعمـْشـَقِتْ طفله زغيره بدي طالها
واكبرت لمَّا وصلْتْ بدي اقطِفا
بقطفْ
مابقطفْ
شوبقي من هالعمرْ
كم ساعة حلوي بسْ فيه بعدا الجفا
لـَكْ وينْ بدِي فِلْ من حبَّك أنا
وبعرِف بإنه الرَّب ْ هويِّ اللي اصطفى
وهالموس ع الحدَّين رَحْ يضرب خَلاص
شو قولتك معقولْ يضرب بالخفا؟
تعـَلـَّمِتْ إنّو الدّنيا ماإلها أمانْ
وماني زغِيره حتَّى عيني إطرفا
لكن اذا حَسَّيَتْ إنو الموجْ سارقني
رَحْ إمْسُكِ الدَّفه ولعندك إحرفا
لـَكْ ياشعر
اجبلني بكلماتِ الفرحْ
شو بخافْ من ليلِ البردْ بعدِ الدَّفا
طيِّرْني فوقِ الرِّيحْ
فوق ْالغيمْ
فوق ِبلادْ مافيها ثواني إضْعـَفا
اسرقني من حدود الزمن لبعيييييد
مابين الصحو وبين الغفا
بدي إيديكْ اطــَّال نجماتِ السَّما
تقطِّفْ قناديلا وعَ كتبي تصفـِّـفـا
وتشلحْني من نجمه على نجمه
وترجع ْإلي عشقانْ
ع ولفو لفا
شعر
بنت البحر
يكفيكم فخراً فأحمد منكم****وكفى به نسباً لعزِّ المؤمن
رد مع اقتباس
المشاركة الأصلية كتبت بواسطة سحر الليالي
