أحدث المشاركات
صفحة 1 من 3 123 الأخيرةالأخيرة
النتائج 1 إلى 10 من 27

الموضوع: مترجعشي ...!

  1. #1
    شاعرة
    تاريخ التسجيل : Mar 2004
    العمر : 44
    المشاركات : 242
    المواضيع : 32
    الردود : 242
    المعدل اليومي : 0.04

    افتراضي مترجعشي ...!


    مترجعشي....
    ولا تحاول
    تلم اللي انكسر مني
    منيش منك
    ولا اقدرشي
    اكونلك تاني وتكونلي ..!

    مترجعشي
    خلاص مبقتش محتاجه
    لتنهيده تجيني بشوق
    ولا لحبة غزل مسروق
    من الأشعار
    يدوبني ولا يدوبشي
    واذا غنيته يطلع صوتي من وسطيه
    نغم مشروخ
    وتر ميت ميعزفشي...!
    فمتجربش تاني تقول
    بحبك ....
    لأ مينفعشي ...!

    وراجع ليه ؟
    عشان محتاج ايدين تسند في حلمك
    اللي مكبرشي ...!
    مكنت معاك
    وكانت كفي فوق كفك
    وفيها دبلتي واسمك
    وراضيه....بس معجبشي ...!

    انا نسيتك
    ومش عايزه اكون تاني
    خطاوي في سكتك تمشي
    وبتدوسها ......
    وميهمكشي غير توصل وانا وياك مبوصلشي
    ولا عايزه اكون ريشه
    على جناح الهوى طايره
    واذا فاتت عليها الريح او المطره
    تضيع منك متسألشي ...!

    هقولك ايه .؟؟؟
    ساعات المستحيل بيكون
    ما بين ايدنا ولا نشوفشي
    ولا نفكرشي ايه يسوى
    عشان نرعاه وميضعشي .....!
    فمش دنبي الدموع في عنيك
    ده ذنبك انت متلومشي
    ولو ترجعلي ميت مره
    هقولك آسفه .... مرجعشي .....!
    قدر .... ويا ليته ظل حلما في خيال اميرة ....!

  2. #2
    الصورة الرمزية د.جمال مرسي شاعر
    تاريخ التسجيل : Nov 2003
    الدولة : بلاد العرب أوطاني
    العمر : 63
    المشاركات : 6,074
    المواضيع : 364
    الردود : 6074
    المعدل اليومي : 0.99

    افتراضي

    العزيزة الغالية الأخت رشا شاعرتنا المبدعة

    السلام عليكم و رحمة الله

    حين قرأت لك هذه القصيدة في غير ذي موضع انبهرت بها و وقف قلمي عاجزا عن الرد عليها مدة طويلة

    فلما استجمعت قواي كتبت ردا متواضعا لا يليق بعبقرية رشا في العامية

    و الآن اعلن انبهاري من جديد ... فأضع بين ايديكم هذه المداخلة :



    و مين قالك انا راجع ..

    لقلبك تاني أترجّاه

    صحيح حبيتك امبارح ..

    لكنْ قلبك ما صانش هواه

    نسيتي لما كان قلبك ..

    يزيد نبضه.

    في يوم ما يشوف عيون قلبي

    بترمي السهم في أرضه.

    و يا ما عشتِ جوايا

    في أحلامي

    و أيامي

    و راهنتي على هوايا

    و خنتي الحب

    خنتي العهد

    خنتيني

    عشان ما رضيتش ارضي غرور

    حبيب بايع

    و راح يعشق قمر غيري و مش راجع

    و لا سامع

    نصيحة قلب ينده له

    دموعي مش دموع رحمة و لا استجداء

    دموعي ع .اللي راح مني

    معاكي لما خنتيني

    خلاص انسي اللي كان بيننا

    و انا رايح اعيش وحدي

    كطير هايم في كل فضاء



    تحياتي اخت رشا

    و أهلا بك
    البنفسج يرفض الذبول

  3. #3
    الصورة الرمزية نهى فريد شاعر
    تاريخ التسجيل : Jul 2003
    الدولة : بلدي تسكنني
    العمر : 48
    المشاركات : 1,265
    المواضيع : 61
    الردود : 1265
    المعدل اليومي : 0.20

    افتراضي

    ولا عايزه اكون ريشه
    على جناح الهوى طايره
    واذا فاتت عليها الريح او المطره
    تضيع منك متسألشي ...!

    جميل رشا

    البيت ده عجبني كتيييير وحياتك
    بي بليز متطوليش عيلنا وخلك معانا هنا على طول
    ===> تعرف تحجي مصري المرة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    لا شيء هناك

  4. #4
    الصورة الرمزية د. سمير العمري المؤسس
    مدير عام الملتقى
    رئيس رابطة الواحة الثقافية

    تاريخ التسجيل : Nov 2002
    الدولة : هنا بينكم
    العمر : 56
    المشاركات : 40,553
    المواضيع : 1094
    الردود : 40553
    المعدل اليومي : 6.22

    افتراضي

    ما هذا الجمال هنا؟؟

    كيف فاتني هذا الدفق الشعوري وهذا الألق في الأداء؟؟

    كم أنا ممتن لك أخي د. جمال على أن أهديت لي وصلة الموضوع.

    وهنا أرى رشا في ثوب إبداع متفرد.
    أظنها أستاذة هذا النوع من الزجل.

    ثم كان رد أخي الحبيب د. جمال فرأيتني أكتب هذه الكلمات بتوجس إذ لا يعقل أن أزاحم أهل الاختصاص وأهل اللهجة ولكنه الرغبة في التعالق والمشاركة في البوح فاحتملوا مني ...

    متحلمشي
    رجوعي للعذاب تاني مالوش معنى
    معدش الليل يجمعنا ويسمعنا
    معدش يفيدنا نتصالح
    وننسى وعدنا امبارح
    ونرجع تاني نتخاصم ونستغنى

    خلاص قلبي أنا عودته عل الحرمان
    وعلمته كمان يقدر على النسيان
    طوى نفسه على جرحه
    وخاصم بهجته وفرحه
    وكان بعدك ما بينمشي .... صبح بينام
    وكان تايه في أوهامه ..... نسي الأوهام

    خلاص قلبي صبح قادر على القسوة
    ودلوقتي
    لو الشوق احتواه في ليلة واتبسم
    لطيفك وانتفض من لهفته اتظلم
    خنق صوته بإيد الذكرى والأسوة
    ونزفه
    ودمعته
    ووجده
    وأنين الهم
    تناجي بالهوى نبضه
    ما يسمعشي

    عشقتك يوم ما شفتك طبيب الروح
    ما تشبهشي قمر غيرك
    ولا يغبشي الوجود عن عيني من نورك
    ولو ضاقت عليا الدنيا تسقيني
    وتروي بالهنا أيامي وسنيني
    مكنتش أعرف المتخبي في قلبك
    جحود وقسوة وخيانة
    وشعور كداب
    وشك وغيرة وجناية
    على الأحباب
    ياريتني في يوم ما حبتشي

    دموعي دي اللي شفتيها دموع ندمان
    دموع تكتب معاني قسوة الإنسان
    كمان دي عن عيوني اليوم حتنفيها؟
    أنا ماشي ...
    صحيح ماشي ومش راجع
    حسيبك تبكي أيامك
    وتبكيني
    حتندم لما تصحى في يوم على ذكرى
    لحبيب مخلص
    قتلته في طيشك المجنون
    ولا رجعشي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية د.جمال مرسي شاعر
    تاريخ التسجيل : Nov 2003
    الدولة : بلاد العرب أوطاني
    العمر : 63
    المشاركات : 6,074
    المواضيع : 364
    الردود : 6074
    المعدل اليومي : 0.99

    افتراضي

    هذه هي المفاجأة بعينها

    الحقونا يا أهل الواحة

    الدكتور سمير العمري بيكتب عامية .. و قال ايه .... باللهجة المصرية

    يا الله ......

    لم اكن اصدق ان قلمك سيتفاعل مع ما كتبته رشا و أنا بهذه السرعة و السهولة و الإنسيابية

    كنت أمازحك حين قلت انها صعبة عليك اللهجة المصرية و لكنك أخي الكريم تتحدى الصعب

    و الشاعر شاعر ..يمكنه ان يكتب بأي لغة و بأي لهجة طالما عنده هذا الزخم و هذا الموروث الثقافي

    قصيدة لا تقل روعة عما يكتبه ابناء اللهجة المصريه

    هي أجمل على الأقل مما كتبه جمال مرسي .. اما رشا فهي التي تحكم على نفسها

    اخي الحبيب

    اسمح لي ابثك تحية اعزاز و تفدير و اعجاب بموهبتك الفذة

    على ما يبدو ان رشا ستنشط هذه القاعة و تجلب إليها كبار شعراء الفصحى

    و أصبحت كأحمد شوقي حين قال ( أخشى على الفصحى من بيرم التونسي ) ..اقول

    انا أخشى على الفصحى الآن من تمكن رشا عبد الرازق و ابداع سمير العمري

    لكما تحياتي و حبي أيها القريبين الأريبين

    تحياتي

    د. جمال مرسي

  6. #6

  7. #7

  8. #8
    قلم مشارك
    تاريخ التسجيل : Jan 2004
    الدولة : السويد
    المشاركات : 168
    المواضيع : 30
    الردود : 168
    المعدل اليومي : 0.03

    افتراضي

    الاخت الكريمه الموهوبه رشى

    لن اجد ما ازيده على اساتذتي الكرام الذين سبقوني اليك
    لله درك

    واسلمي لواحه ولنا جميعا اخت كريمه عزيزه
    مع تحياتي زيدان

  9. #9
    شاعرة
    تاريخ التسجيل : Mar 2004
    العمر : 44
    المشاركات : 242
    المواضيع : 32
    الردود : 242
    المعدل اليومي : 0.04

    افتراضي مرحى

    أخوتي واحبتي في الله
    حين قدمت على استحياء لدوحتكم الرائعة في كل شيء
    ووجدت نفسي أتلمس الابداع في كل ابوابها وهي تعيد بناء صرح فصحانا بروعة أشعرتني بالفخر أنني فقط واحدة ممن بدات خطواتهم في عالمها المكرّم الثري

    وبقيت تلك الزجليات التي اقتحتمني من قرابة الاشهر السبع في نفسي وخيث بدات خطواتي على النت
    حتى وحدت هذه الدوحة
    وقلت ( اجرب وانا عارفه الناس هنا هتضربني )

    فكانت المفاجئة الكبرى

    وكان الاصرار مني الىن على ان احيا معكم على كل نمط ونهج للشعر أحبه ويعبر عني

    اتعلم
    أستمتع
    وأزهو بكم

    ( قدركم بقا انا استحملوني )

    لكم مني فيض من الامتنان

    ونبدأ بقا

    احم احم

    يا مسهل يا رب

  10. #10
    شاعرة
    تاريخ التسجيل : Mar 2004
    العمر : 44
    المشاركات : 242
    المواضيع : 32
    الردود : 242
    المعدل اليومي : 0.04

    افتراضي .... مغرور

    مين قالك انا راجع ..

    لقلبك تاني أترجّاه

    صحيح حبيتك امبارح ..

    لكنْ قلبك ما صانش هواه


    أكيد انت
    مفيش غيرك
    حبيب عمري اللي عاش فِـ الدور
    وأستاهل جراح عمري
    عشان خليتك انت النّور
    مكنتش الا صوت عالي
    لقلب من الامان خالي
    مسير ظلمك هييجي عليك
    ده كاس داير على المغرورو ....!





    نسيتي لما كان قلبك ..

    يزيد نبضه.

    في يوم ما يشوف عيون قلبي


    وانسى ازاي
    واذا نسيته
    خيانتك لسه جوايا
    آمنتك وانت معرفتش
    تصون الحلم ويّايا
    سرقت النبض من قلبي
    وكانت نصرتك
    ذنبي
    هانيالك
    وداعيالك
    تعيش من غيري ... ومعايا ...!



    عشان ما رضيتش ارضي غرور

    حبيب بايع

    و راح يعشق قمر غيري و مش راجع

    و لا سامع

    نصيحة قلب ينده له

    دموعي مش دموع رحمة و لا استجداء

    دموعي اللي راح مني

    معاكي لما خنتيني


    تصدق مش غريب أبدا تشوف قلبي على مرايتك
    وتحلف انك انت بريء...
    عشان تدّارى ف خيانتك
    دموعك كبرياء موهوم
    وظالم حب توب مظلوم
    هقولك ايه مينفعشي
    تبعني وتشتري نهايتك ....!

    دكتور جمال

    حين أفكر كيف جنحت أنت بقلمك الى العامية أدرك فعلا صدق مقولتك

    المبدع في الشعر يبدع في كل مجالاته

    اقبلها مني جولة اولى


    يعني هنشوف نفس مين بقا يا أستاذي اللي اطول


    تحياتي لك ولمداخلتك الرائعة

صفحة 1 من 3 123 الأخيرةالأخيرة